ახალი ამბები
იმერული კარამიტის აღდგენილი "რაკარუკი" (ვიდეო)
FaceBook

ლაშას მამამ ასწავლა, მამამისს - ბაბუამ, ბაბუამისს - დიდმა ბაბუამ. პროფესია მემკვიდრეობით თაობიდან თაობას გადაეცემა.


მეკრამიტეობა ზესტაფონის მუნიციპალიტეტის სოფელ ბოსლევში ხელიდან ხელში გადადის.

ადგილობრივების გადმოცემით, წლების წინ ამ ხელობას თითქმის მთელი თემი ფლობდა. ქმნიდნენ იმერულ კრამიტს და ოჯახებსაც ინახავდნენ.

დრომ ბოლო წლებში ვითარება შეცვალა – ეკონომიკურმა პრობლემებმა სოფელი დააცარიელა და კრამიტის ოსტატებიც გააიშვიათა.

ახლა ბოსლევში საუკუნოვანი გამოცდილების გადარჩენას რამდენიმე ახალგაზრდა ცდილობს. მათი მიზანი მინიმუმ იმერული კრამიტის დამზადების ტრადიციის შენარჩუნება, მაქსიმუმ - პროდუქტის მსოფლიოსთვის გაცნობაა.

,,მე და მამა ბაბუას დავპირდით, რომ მის მიერ გადმოცემულ ცოდნას სხვებს გადავცემდით. ეს არ მავიწყდება. კაცი სიტყვის პატრონი უნდა იყოს, თორემ მოგებაზე საუბარიც ზედმეტია ზოგჯერ“, – ამბობს ბოსლევში დარჩენილი ერთადერთი სახელოსნოს მფლობელი, ლაშა მახათაძე.


ბოსლევში ყველაზე ახალგაზრდა მეკრამიტე მზემოკიდებული, შავგვრემანი, მხიარული ბიჭია.


ლაშა 17 წლისაა და ვიდრე საშუალო სკოლას დაამთავრებს, ცდილობს საქმესა და  განათლებაზე დრო სწორად გადაანაწილოს. გაკვეთილების შემდეგ სოფლის განაპირას, ბაბუის აშენებულ ხის სახელოსნოში მიდის და  კრამიტს საკუთარი ხელით ამზადებს. შეგირდებიც ჰყავს. ცოდნას მეგობრებს მოხალისეობრივ საწყისებზე უზიარებს. ასე გაჩნდა კიდევ სამი ოსტატი სოფელში.





ყველაზე მეტი, 10 000 კრამიტი ლაშამ ორი წლის წინ გაყიდა. მას შემდეგ მხოლოდ პატარა შეკვეთხბზე მუშაობს, - ფაქტობრივად ხელობის გადარჩენაზე. მეკრამიტეები ყვებიან, რომ სახურავს ძირითადად ეკლესიებისთვის და რესტორნებისთვის ყიდულობენ, სახლებს კი სხვა მასალით ხურავენ.

,,ახლა მოდაში ძვირადღირებული ხელოვნური სახურავებია, რომელიც არაფრით სჯობს კრამიტს“, – ამბობენ  ბოსლეველი მეკრამიტეები.

ლაშა და მისი მეგობრები, კრამიტით გადახურული სახლის უპირატესობებზე საუბრისას, ამტკიცებენ, რომ  ასეთი სახურავი  ყველა სხვაზე მეტად  დაცულია.

,,მასში არ აღწევს წვიმა, თოვლი.  ტემპერატურაც ამინდის მიხედვით იცვლება: თუ სიცივეა ეკოსახურავი სახლს სითბოს უნარჩუნებს, ზაფხულში კი პირიქით, სიგრილეს.  კრამიტი ხანგამძლე და ცეცხლმედეგიცაა.  კარგად გაკეთებული კრამიტი საუკუნეებს უძლებს. ამის საიდუმლო მის სწორად გამოწვაშია. ჯერ ერთი, რომ დაინახავ ლამაზია, ბუნებრივია, სუნთქავს“, – ამბობს ლაშას მოწაფე  ბესო.

ბესო ლაშას სახელოსნოში, დანარჩენ ორ მეგობრთან ერთად, მეკრამიტეობას ეუფლება. ახალბედები ფიქრობენ, რომ ცოდნის გაზიარებით სოფელს ბევრი ოსტატი ეყოლება.




 

ეს  სოფელში ხალხს დააბრუნებს და ფინანსურ კეთილდღეობასთან ერთად,  განვითარებასაც მოუტანს.

,,ვაკვირდები, რომ თანდათან ფასდება ეკოლოგიურად სუფთა, ბუნებრივი პროდუქტები საქართველოში და, ალბათ, ერთ დღესაც ყველაფერი შეიცვლება. იქამდე ჩვენ შევინახავთ ბაბუების დანატოვარ ტრადიციებს,“ – ამბობს ლაშა მახათაძე.


ლაშამ პროფესია უკვე აირჩია. სირთულეების მიუხედავად, არ აპირებს ბაბუაზე მიცემული სიტყვა გატეხოს და როცა სკოლას დაამთავრებს, ან საქმე მიატოვოს, ან სოფელი. ახლა მთავარი მისია აქვს შესასრულებელი: რაც შეიძლება მეტი თანატოლი დააოსტატოს მეკრამიტის საქმეში.



ავტორები: ანა ჯანაშია, ლანა კოკაია


FaceBook Twitter
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
თერჯოლის მუნიციპალიტეტში მოზარდი გარდაცვლილი იპოვეს.
ფონდი "ქართუს" ხელმძღვანელებმა, განათლების მინისტრთან და ქუთაისის ადგილობრივი ხელისუფლების წარმომადგენლებთან ერთად  ქუთაისის საერთაშორისო უნივერსიტეტის სამშენებლო ტერიტორია დაათვალიერეს.
"ჩათვალეთ, რომ ეს არის პრეზენტაცია ქუთაისში" -ასე პასუხობს ფონდი "ქართუს" პროექტების დირექტორი, ვახტანგ ცაგარელი შეკითხვას: რატომ არ გაიმართა  ტექნოლოგიური უნივერსიტეტის პრეზენტაცია ქუთაისში.
ანტისანიტარია და მოუწესრიგებელი გზა - ასეთი სურათი ხვდებათ გელათის მონასტერთან მისულ ვიზიტორებს.
ქუთაისის ცენტრალურ ბაღში მიმდინარე სამეცნიერო პიკნიკზე სკოლის მოსწავლეები  დაშავდნენ.
დღეს იმერეთში სახელმწიფო რწმუნებულმა ზვიად შალამბერიძემ, სამხარეო ადმინისტრაციის თანამშრომლებს, პირველი მოადგილის თანამდებობაზე იოსებ ხახალეიშვილი წარუდგინა.
ქუთაისის ლადო მესხიშვილის სახელობის სახელმწიფო პროფესიული თეატრი 135-ე სეზონზე, ოთხ პრემიერას წარმოადგენს.  
ქუთაისის საკრებულოს ოპოზიცია  სამთვიან ბოიკოტს, სავარაუდოდ, შეწყვეტს და სხდომებზე დაბრუნდება.