პოლიტიკა
"ევროპულმა საქართველომ" ქუთაისის მერობის კანდიდატად, შესაძლოა გია თევდორაძე დაასახელოს
FaceBook
"ევროპულმა საქართველომ" ქუთაისის მერობის კანდიდატად, შესაძლოა, ქალაქის ყოფილი მერი და პარლამენტის დეპუტატი გია თევდორაძე დაასახელოს.

როგორც თავად გია თევდორაძე ჩვენთან საუბარში განმარტავს, ამის შესახებ პარტიაში კონსულტაციები მიმდინარეობს. 

"ბუნებრივია, საკმაო გამოცდილება გამაჩნია პოლიტიკური ბატალიების და განხილული იქნება ჩემი კანდიდატურა. თუმცა, მიმაჩნია, რომ გაცილებით უფრო სასურველია ახლა სხვა სახეები, სხვა ადამიანები შევთავაზოთ საზოგადოებას. წინასწარ გამიჭირდება ხელაღებით უარი ან თანხმობა გითხრათ საბოლოო ვერდიქტზე," - ამბობს "ევროპული საქართველოს" ქუთაისის ორგანიზაციის ლიდერი.

გია თევდორაძე თვლის, რომ პოლიტიკა მუდმივად განახლებადი პროცესი უნდა იყოს, დღევანდელ ქართულ პოლიტიკას კი ახალი სახეები, იდეები და ენთუზიაზმი აკლია. თუმცა, ამბობს, რომ გამოცდილმა პოლიტიკოსებმა ახალგაზრდებს საქმის კეთებაში ხელი უნდა შეუწყონ.

"არის რამოდენიმე მათგანზე საუბარი, თუმცა არ ვიცი ისინი ამ შეთავაზებას რა განწყობით შეხვდებიან. ცოტა ხანში დავინახავთ ამ ყველაფერს. ქალაქის არც თუ ისე სახარბიელო მდგომარეობიდან გამოყვანის მთავარი წინაპირობა არის ბევრი ახალი სახე, ახალი იდეა, ენერგია, რაც სამწუხაროდ მმართველ გუნდში არაა. რისი

კრიზისიც და დეფიციტიც ჰქონდა წინა ხელისუწლებას, რამაც გამოიწვია ის შედეგი, რომელიც დადგა 2012 წელში. ყველა ის ადამიანი, ვინც პოლიტიკაში კარგა ხსნის დამკვიდრებულია არ უნდა იქცეს ბარერად ახალი მოსული ადამიანებისთვის," - ამბობს გია თევდორაძე.

მისივე ინფორმაციით, "ევროპული საქართველო" მიმდინარე წლის 27 მაისს დამფუძნებელი ყრილობას გამართავს, რის შემდეგაც ქუთაისის მერობის და საკრებულოს დეპუტატობის კანდიდატებს ოფიციალურად წარადგენენ.

როგორ ემზადებიან ქუთაისში პოლიტიკური პარტიები ადგილობრივი თვითმმართველობის არჩევნებისთვის და ვის წარადგენენ ქალაქის მერობის კანდიდატად ნახეთ ვიდეოსიუჟეტი 10 მაისს ქუთაისიპოსტზე.  




Print E-mail
FaceBook Twitter
მსგავსი სიახლეები
უკრაინის პრეზიდენტის ვოლოდიმირ ზელენსკის განცხადებით, ვითარება
დონბასში უკიდურესად მძიმეა.
09:36 / 22.05.2022
უკრაინის პრეზიდენტის ვოლოდიმირ ზელენსკის განცხადებით, ვითარება დონბასში უკიდურესად მძიმეა.
რუსეთის შეტევამ დონბასზე იმპულსი დაკარგა და მნიშვნელოვნად ჩამორჩა
განრიგს.
11:05 / 15.05.2022
რუსეთის შეტევამ დონბასზე იმპულსი დაკარგა და მნიშვნელოვნად ჩამორჩა განრიგს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.