პოლიტიკა
ნატოს საინფორმაციო ცენტრი - 2012 წლამდე რაც გაკეთდა, იყო პიარზე გათვლილი
FaceBook
სსიპ ნატოსა და ევროკავშირის შესახებ საინფორმაციო ცენტრის დირექტორის, ელენე გოცაძის განმარტებით, საქართველო ახლა უფრო მყარად მიდის ევროინტეგრაციისკენ, ვიდრე აქამდე.
"2012 წლამდე რაც კეთდებოდა, ამ მხრივ ყველაფერი იყო პიარზე და ემოციაზე გათვლილი კამპანია. 2012 წლის შემდეგ კი ეს პიარი მოიხსნა და ამიტომ ჩანს, რომ თითქოს, ახლა ამ საკითხებზე არავინ მუშაობს. ჩვენი ამოცანა არაა პიარი. თუმცა, მოსახლეობის ინფორმირება მნიშვნელოვანია", - განაცხადა ელენე გოცაძემ მედიის წარმომადგენლებთან გამართულ შეხვედრაზე. სემინარი თემაზე "საქართველოს ევროპული ინტეგრაცია და ასოცირების შეთანხმების მნიშვნელობა ქვეყნის განვითარებისათვის" დასავლეთ საქართველოში მოქმედი მედიის წარმომადგენლებისთვის წყალტუბოში მიმდინარეობს.
გოცაძემ შეხვედრაზე განმარტა, რომ ევროკავშირი საქართველოსთვის საფრთხის შემცველი კი არაა, არამედ ერთ-ერთი დამცავი მექანიზმია სხვადასხვა ფაქტორებთან მიმართებაში.
მან, ასევე, ისაუბრა იმ ე.წ. მითებზე, რაც ევროკავშირში გაწევრიანების შემდეგ შეიძლება მოხდეს.
"მითია, როდესაც ევროკვშირში დაგვაძალებენ ერთსქესიანთა ქორწინებას ან შეიზღუდება მართლმადიდებლობა. ეს ყველაფერი არის ეროვნულ მთავრობაზე დამოკიდებული და ყველაზე მნიშვნელოვანია ასეთ საკითხებში საზოგადოების აზრი. ვერავინ დაგვაძალებს ერთსქესიანთა ქორწინებას", - განმარატვს ელენე გოცაძე.
ნატოსა და ევროკავშირის შესახებ საინფორმაციო ცენტრის დირექტორი განმარტავს, რომ ერთსქესიანთა ქორწინება ევროკავშირში შემავალ რამდენიმე ქვეყანაში აკრძალულიც კი არის.
რაც შეეხება ნატოში გაწევრიანებაბის საკითხს, ცენტრის წარმომადგენლის მტკიცებით, საქართველო მზად არის ამისთვის.
"ნატოს არ აქვს სტანდარტები, რომელიმე ქვეყნის გასაწევრიანებლად. მას აქვს კრიტერიუმები, რომლის მიხედვით ხდება გაწევრიანება და ეს არის ის, რომ ქყვეყანა ვითარდებოდეს დემოკრატიულად, საითაც ჩვენი ქვეყანა მიდის", - განმარატეს აღნიშნული ცენტერის წარმომადგენელმა.
ცენტრის დირექტორის მტკიცებით, მთავარი როლი ნატოში გასაწევრიანებლად ქვეყნის თავდაცის საკითხებს უჭირავს. გოცაძის აზრით, ამ მხრივ ქართული ჯარი მზად არის.
"14 000-მდე ჯარისკაცმა მნიშვნელოვანი წვრთნები გაირა ავღანეთში. ისინი იქ ავღანეთის ნათელი მომავლისთვის კი არ იბრძვიან, არამედ მათ კარგად ესმით ეს რამდენად მნიშვნელოვანია მათი სამშობლოსთვის", - ამბობს ელენე გოცაძე.
თეკლე მორგოშია
Print E-mail
FaceBook Twitter



მსგავსი სიახლეები
13:56 / 16.06.2021
"ქუთაისიპოსტის" ინფორმაციით, გიორგი გახარიას პარტიაში  გადასვლა,  ქუთაისის საკრებულოს ყოფილ თავმჯდომარეს, დავით დვალს შესთავაზეს.
ბრიუსელში 14 ივნისს ნატო-ს სამიტი გაიმართება, რომლის ერთ-ერთი
განსახილველი თემა საქართველოც იქნება.­
10:05 / 14.06.2021
ბრიუსელში 14 ივნისს ნატო-ს სამიტი გაიმართება, რომლის ერთ-ერთი განსახილველი თემა საქართველოც იქნება.­

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.