პოლიტიკა
ეს იყო ჩემი დანაზოგი – "ქართული ოცნების" შემწირველი ქუთაისის მაჟორიტარობის კანდიდატები
FaceBook
სახელმწიფო აუდიტის მონაცემებით, "ქართული ოცნების" შემწირველთა სიაში ქუთაისის მაჟორიტარობის კანდიდატები გენადი მარგველაშვილი და კობა ნარჩემაშვილი არიან.

ამ უკანასკნელმა პარტიას შემოწირულობის სახით 55 000 ლარი მიმდინარე წლის 29 ივლისს შეწირა.

ამავე დღეს, ანალოგიურად 55 000 ლარი გაიღო "ქართული ოცნებისთვის" გენადი მარგველაშვილმაც.

მაჟორიტარი დეპუტატობის კანდიდატები აცხადებენ, რომ შემოწირულობა საკუთარი სირვილით გაიღეს.

"ეს არის ჩემი შემოსავლები წლების განმავლობაში. მე ვარ წარმატებული პედაგოგი. ეს არის ჩემი პირადი სახსრები იმისათვის, რომ კონკრეტულ შემთხვევაში გამოვიყენო ისე, როგორც მე მსურს," – განაცხადა გენადი მარგველაშვილმა ქუთაისიპოსტთან საუბარში.

ასევე, კობა ნარჩემაშვილის განცხადებით, მან "ქართულ ოცნებას" საკუთარი დანაზოგი შეწირა.

"ეს იყო ჩემი სურვილით, რასაკვირველია. ეს იყო ჩემი დანაზოგი, რომელიც პირადად ჩემი სურვილით შევიტანე "ქართული ოცნების" ანგარიშზე," – განაცხადა კობა ნარჩემაშვილმა.

საჯარო რეესტრის ეროვნული სააგენტოს მონაცემებით კობა ნარჩემაშვილი 50%–იანი წილის მფლობელია 2014 წლის 8 მაისს რეგისტრირებულ შპს "ბუმჯორჯიაში". კომპანიაში თანაბარ წილს ფლობს თურქეთის მოქალაქე, ოსმან ოქან ქარაქოლჯუ.

მაჟორიტარობის კანდიდატი, ასევე 2007 წლის 29 მაისიდან "კს ნარჩემაშვილი და იურიდიული კომპანიის" დამფუძნებელია. დოკუმენტაციით ირკვევა, რომ ნარჩემაშვილის პარტნიორი წყალტუბოს გამგებლის მოადგილე, ზაზა ძნელაძე გახლავთ.

2014 წლის 12 აგვისტოდან კობა ნარჩემაშვილი ააიპ სროლის სახეობათა კლუბი "ფორტუნას" გამგეობის წევრი და თავმჯდომარეა.

ნარჩემაშვილისგან განსხვავებით, სამეწარმეო საქმიანობას არ ეწევა #47 ოლქის მაჟოტორატი დეპუტატობის კანდიდატი, გენადი მარგველაშვილი, რომელიც ქუთაისის ა. რაზმაძის სახელობის #41 ფიზიკა–მათემატიკის საჯარო სკოლის დირექტორი გახლდათ.

"ქართული ოცნების" ქუთაისის მაჟოროტარობის მესამე კანდიდატის, დიმიტრი მხეიძის შემოწირულობის შესახებ ინფორმაცია,სახელმწიფო აუდიტის მონაცემებში არ ფიქსირდება.

სახელმწიფო აუდიტის მიერ გავრცელებული ინფორმაციით, 2016 წლის სექტემბრის მდგომარეობით, "ქართული ოცნება – დემოკრატიულმა საქართველომ" 620 შემწირველისგან ჯამში 10 286 735 ლარი მიიღო.



Print E-mail
FaceBook Twitter
მსგავსი სიახლეები
ანტიკორუფციული მოძრაობის იმერეთის ორგანიზაციის წევრები ქუთაისის
2023 წლის ბიუჯეტში განსაზღვრულ ადმინისტრაციულ ხარჯებს აპროტესტებენ.
11:43 / 27.11.2022
ანტიკორუფციული მოძრაობის იმერეთის ორგანიზაციის წევრები ქუთაისის 2023 წლის ბიუჯეტში განსაზღვრულ ადმინისტრაციულ ხარჯებს აპროტესტებენ.
პარლამენტს ფრაქცია
16:45 / 20.11.2022
პარლამენტს ფრაქცია "ნაციონალურმა მოძრაობამ" დეოლიგარქიზაციის შესახებ პროექტის საკუთარი ვარიანტი წარუდგინა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.