პოლიტიკა
პოლიტიკურ პარტიებს ერთ თვეში 2 მილიონამდე ლარი შესწირეს
FaceBook
"ხელისუფლების კეთილგანწყობა პირდაპირპროპორციულად აისახება პარტიის ანგარიშზე და შემოწირულობების რაოდენობაზე"


სახელმწიფო აუდიტის სამსახურის მონაცემებით, მიმდინარე წლის მაისში პოლიტიკურმა პარტიებმა შემოწირულობის სახით 1 957 899, 07 ლარი მიიღეს.

13 პარტიას შორის ყველაზე მეტი თანხა, 1 370 745 ლარი "ქართული ოცნება-დემოკრატიულ საქართველოს" ერგო. მომდევნო ადგილებს შემოწირულობიდან მიღებული თანხების მიხედვით "ახალი პოლიტიკური მოძრაობა სახელმწიფო - ხალხისთვის" - 266 407,72 ლარი; "საქართველოს პატრიოტთა ალიანსი" - 113 064,50 ლარი; "გირჩი" - 81 295,53 ლარი და "ნაციონალური მოძრაობა" - 54 049,32 ლარით ინაწილებენ.

ყველაზე ნაკლები თანხა, 120 ლარი კი "საქართველოს კონსერვატიულ პარტიას" ერგო.

პოლიტიკური პარტიების ქუთაისის ადგილობრივი ორგანიზაციის წარმომადგენლები განმარტავენ, რომ მიღებული თანხა პირდაპირპროპორციულია ამომრჩევლებისა და საზოგადოების განწყობის.

მაგალითად, პარტია "ქართული ოცნება- დემოკრატიული საქართველოს" ადგილობრივი ორგანიზაციის ხელმძღვანელი და იმერეთის ვიცე-გუბერნატორი, გიორგი ჭიღვარია ირწმუნება, რომ პარტიას თანხა იმ ადამიანება შესწირეს, რომლებიც მათ მხარს უჭერენ.

განსხვავებული შეფასება აქვს "ნაციონალური მოძრაობის" ქუთაისის ორგანიზაციის ხელმძღვანელს და საპარლამენტო უმცირესობის წევრს, გია თევდორაძეს. ის ამბობს, რომ პარტიისთვის შეწირული თანხები პირდაპირპროპორციულია არა საზოგადოების განწყობის, არამედ ხელისუფლების კეთილგანწყობის.

"ეს ასე იყო აქამდე ყოველ შემთხვევაში. "ნაციონალური მოძრაობის" დროსაც, ეს შეგიძლიათ პირდაპირ ჩემს აღიარებად ჩათვალოთ, მაგრამ ასე იყო შევარდნაძის და არის ბიძინა ივანიშვილის დროსაც. ხელისუფლების კეთილგანწყობა პირდაპირ პროპორციულად აისახება პარტიის ანგარიშზე და შემოწირულობების რაოდენობაზე", - განმარტავს გია თევდორაძე.

2016 წლის პირველი სამი თვის (იანვარი, თებერვალი, მარტი) მიხედვით ყველაზე მეტი შემოწირულობა, 165 058 ლარი "გირჩმა" მიიღო. მიმდინარე წლის პირველ კვარტალში 14 პოლიტიკურ პარტიას ფიზკური პირებისგან 28 476 ლარის შემოწირულობები ერგოთ.

Print E-mail
FaceBook Twitter



მსგავსი სიახლეები
გოგი წულაიას მხარდასაჭერად დღეს თბილისში
ციხესთან აქცია გაიმართება.
11:38 / 28.03.2021
გოგი წულაიას მხარდასაჭერად დღეს თბილისში ციხესთან აქცია გაიმართება.
„ბოროტების ტრიუმფისთვის ერთადერთი რამ არის საჭირო : რომ
კარგმა ადამიანმა არაფერი აკეთოს“
15:27 / 10.03.2021
„ბოროტების ტრიუმფისთვის ერთადერთი რამ არის საჭირო : რომ კარგმა ადამიანმა არაფერი აკეთოს“

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.