ქუთაისის მუნიციპალიტეტის მერის მოადგილედ გიორგი ცხაკაია დაინიშნა.
ახალი მოადგილე ქუთაისის მერის მოვალეობის შემსრულებელმა დავით
ერემეიშვილმა მერიის თანამშრომლებს წარუდგინა.
როგორც მან განმარტა, გიორგი ცხაკაია მერიაში ჯანდაცვის,
სოციალურ და ტურიზმის სფეროს გაუწევს კურატორობას.
გიორგი ცხაკაია სხვადასხვა წლებში მუშაობდა: საქართველოს ფინანსთა
სამინისტროს შემოსავლების სამსახურში, საქართველოს ფინანსთა
სამინისტროს საგამოძიებო სამსახურში, საქართველოს განათლების
სამინისტროში, ს.ს. „საქართველოს ბანკში".
დამთავრებული აქვს ქუთაისის აკაკი წერეთლის სახელობის სახელმწიფო
უნივერსიტეტი (სამართლის ფაკულტეტი, ბაკალავრი) და თბილისის
ეკონომიკურ ურთიერთობათა სახელმწიფო უნივერსიტეტი(სამართლის
მაგისტრი).
გიორგი ცხაკაია ქუთაისის მერის მოადგილის პოსტზე მამუკა ხიმშიაშვილის
ნაცვლად დაინიშნა. ხიმშიაშვილი აღნიშნულ პოსტს გასული წლის
სექტემბრიდან იკავებდა, 2025 წლის მაისიდან კი ის იმერეთში სახელმწიფო
რწმუნებულის პირველ მოადგილედ დანიშნეს.
მასალის გამოყენების პირობები