პოლიტიკა
ქუთაისის საკრებულოს ფრაქცია ენმ-ში ლევან ხაბეიშვილის გადადგომას ითხოვენ
FaceBook
ქუთაისის საკრებულოს ფრაქცია ,,ერთიანი ნაციონალური მოძრაობის“ წევრების ნაწილი ლევან ხაბეიშვილს გადადგომისკენ მოუწოდებს.
შესაბამისი განცხადება ფრაქციის თავმჯდომარემ გიორგი კილაძემ გააკეთა.

მისი თქმით, „ნაციონალურ მოძრაობაში“ მძიმე და არასახარბიელო მდგომარეობაა შექმნილი, რაზედაც სრული პასუხისმგებლობა ახალმა მენეჯმენტმა და პარტიის მოქმედმა თავმჯდომარემ უნდა აიღოს.

გიორგი კილაძის განმარტებით, პარტიის თავმჯდომარის არჩევიდან ათი თვის თავზე, წინასაარჩევნო პერიოდში გაცემული მთავარი დაპირების მიუხედავად, ისინი ვერანაირ ქმედებას ვერ ხედავენ, რომელიც მიხეილ სააკაშვილის პოლიტიკური პატიმრობიდან გათავისუფლებას ემსახურება.

„2024 წელი, ოლიგარქიული, პრორუსული რეჟიმის დასამარცხებალად გადამწყვეტი პოლიტიკური ბრძოლის წელიწადი უნდა იყოს და ასეთ მნიშვნელოვან მომენტში, პარტიის ამჟამინდელი მენეჯმენტის ქმედებები თუ უმოქმედობა უაღრესად დამაზარალებელია. მივიჩნევთ რომ ამ მოცემულობაში ერთადერთი სწორი გადაწყვეტილება იქნება პარტიის მოქმედი თავმჯდომარის, ლევან ხაბეიშვილის გადადგომა. რასაც მალევე უნდა მოჰყვეს პარტიის ყრილობის ჩატარება, რომელიც მაღალი ლეგიტიმაციით აირჩევს ახალ მმართველ ორგანოს“,- განაცხადა გიორგი კილაძემ.

განცხადებას ხელს ქუთაისის საკრებულოს ფრაქცია „ერთიანი ნაციონალური მოძრაობის“ შემდეგი წევრები აწერენ: გიორგი კილაძე, დავით ბახტაძე, ქეთევან ხურციძე, გაგა მანაგაძე, რომანი ქვაჩაკიძე, თედო მესხი და ნინო ბიბილეიშვილი.

"ნაციონალურ მოძრაობაში" შიდა დაპირისპირებაა. ლევან ხაბეიშვილს გადადგომისკენ ცაგერის, ფოთის, მცხეთის, ახალციხის, კასპის, ამბროლაურის, ჭიათურის, ხობისა და ზუგდიდის საკრებულოს ფრაქცია „ნაციონალური მოძრაობის“ წევრებიც მოუწოდებენ.


Print E-mail
FaceBook Twitter
მსგავსი სიახლეები
საქართველოს მესამე პრეზიდენტის მიხეილ სააკაშვილის გათავისუფლების
მოთხოვნით, ხელმოწერების შეგროვება თბილისის და რუსთავის შემდეგ
ქუთაისშიც დაიწყო.
13:59 / 19.02.2024
საქართველოს მესამე პრეზიდენტის მიხეილ სააკაშვილის გათავისუფლების მოთხოვნით, ხელმოწერების შეგროვება თბილისის და რუსთავის შემდეგ ქუთაისშიც დაიწყო.
წინასაარჩევნო კამპანიის მომზადების მიზნით, ირაკლი ღარიბაშვილი,
მარტიდან, რეგიონებში გასვლას და შეხვედრებს გეგმავს.
15:04 / 15.02.2024
წინასაარჩევნო კამპანიის მომზადების მიზნით, ირაკლი ღარიბაშვილი, მარტიდან, რეგიონებში გასვლას და შეხვედრებს გეგმავს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.