პოლიტიკა
„ქართული ოცნების“ ხარაგაულის ორგანიზაციის თავმჯდომარედ კობა ლურსმანაშვილი აირჩიეს
FaceBook
„ქართული ოცნების“ ხარაგაულის ორგანიზაციას ხარაგაულის მუნიციპალიტეტის მერი, კობა ლურსმანაშვილი უხელმძღვანელებს.

ადგილობრივი ორგანიზაციის ხელმძღვანელად ლურსმანაშვილი, პარტიულ კონფერენციაზე, დღეს, აირჩიეს.

კონფერენციას მმართველი პარტიის ლიდერები ირაკლი კობახიძე, კახა კალაძე და მამუკა მდინარაძე ესწრებოდნენ.

„ჩემი ხარაგაულის“ ინფორმაციით, კონფერენცია დამოუკიდებელი მედიისთვის დახურული აღმოჩნდა, მათ დარბაზის დატოვება მოსთხოვეს.

კონფერენციაზე, ძირითადად, აიპების თანამშრომლები, სკოლების დირექტორები, მასწავლებლები და ადგილობრივი ხელისუფლების წარმომადგენლები იმყოფებოდნენ.

აღსანიშნავია, რომ „ქართული ოცნების“ ხარაგაულის რაიონულ ორგანიზაციას ამ დრომდე საკრებულოს თავმჯდომარე მანანა ბარბაქაძე ხელმძღვანელობდა.

„ქართულმა ოცნებამ“ 2024 წლის არჩევნებისთვის მზადება უკვე დაიწყო. პარტიული კონფერენციები ქუთაისში, ვანში, ბაღდათში, წყალტუბოში, ხონში, სამტრედიაში, ტყიბულში, თერჯოლასა და ზესტაფონში უკვე ჩატარდა, სადაც ადგილობრივი ორგანიზაციების თავმჯდომარეები და ბიუროს წევრები აირჩიეს. კონფერენციები დღესვე გაიმართება ჭიათურასა და საჩხერეშიც.

ამავე თემაზე:

„ქართული ოცნების“ ქუთაისის ორგანიზაციის თავმჯდომარედ გია ბასილაძე აირჩიეს



ფოტო "ქართული ოცნების" ფეისბუკ გვერდი
Print E-mail
FaceBook Twitter
მსგავსი სიახლეები
საქართველოს მესამე პრეზიდენტის მიხეილ სააკაშვილის გათავისუფლების
მოთხოვნით, ხელმოწერების შეგროვება თბილისის და რუსთავის შემდეგ
ქუთაისშიც დაიწყო.
13:59 / 19.02.2024
საქართველოს მესამე პრეზიდენტის მიხეილ სააკაშვილის გათავისუფლების მოთხოვნით, ხელმოწერების შეგროვება თბილისის და რუსთავის შემდეგ ქუთაისშიც დაიწყო.
წინასაარჩევნო კამპანიის მომზადების მიზნით, ირაკლი ღარიბაშვილი,
მარტიდან, რეგიონებში გასვლას და შეხვედრებს გეგმავს.
15:04 / 15.02.2024
წინასაარჩევნო კამპანიის მომზადების მიზნით, ირაკლი ღარიბაშვილი, მარტიდან, რეგიონებში გასვლას და შეხვედრებს გეგმავს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.