პოლიტიკა
"კაპიტულაცია კლავს"- აქცია ქუთაისში სუს-ის შენობასთან
FaceBook
"რუსეთი ოკუპანტია", "რუსული მშვიდობა კლავს", "კაპიტულაცია კლავს"- ამ სლოგანით, ქუთაისში, "ნაციონალური მოძრაობის" წარმომადგებლებმა აქცია გამართეს.
ისინი საქართველოს სახელმწიფო უსაფრთხოების სამსახურის  ქუთაისის ოფისის შენობასთან შეიკრიბნენ და რუსი ოკუპანტების მიერ საქართველოს მოქალაქის, თამაზ გინტურის მკვლელობის საქმეს გამოეხმაურნენ. 

"დღეს, სიმბოლურად, შევიკრიბეთ სუს-ის შენობასთან. როგორც 150 წლის წინათ ეს შენობა ქუთაისისთვის ასოცირდებოდა ოკუპაციასთან, დღესაც, სამწუხაროდ, 21-ე საუკუნეშიც, ეს შენობა ასოცირდება ოკუპაციასთან, მორჩილებასთან. მარტივი ჭეშმარიტებები გვინდა, შევახსენოთ ამ ადამიანებს: თუ არჩევანს აკეთებ ბრძოლასა და სირცხვილს შორის და ფსონს დებ სირცხვილზე, აუცილებლად მიიღებ ომს. ამ ეტაპს გავდივართ ახლა ჩვენ. ჩვენმა ხელისუფლებამ დიდი ხანია, ფსონი დადო სირცხვილზე და ამ პროცესებს, სამწუხაროდ, კარგი დასასრული არ აქვს",- განმარტავს "ნაციონალური მოძრაობის" იმერეთის რეგიონალური საბჭოს თავმჯდომარე თემურ ცამციშვილი.

ქუთაისში, რუსული ბოროტების წინააღმდეგ აქცია სტუდენტური მოძრაობა “თავისუფლებისთვის” მიერ დღეს, ცენტრალურ მოედანზე, 19:00 საათზეც ჩაინიშნა.

შეწყდეს კოლაბორაციონიზმი მტერთან! - ეს იქნება მოქალაქეების მთავარი გზავნილი.

6 ნოემბერს, სოფელ კირბალთან, ოკუპანტებმა საქართველოს მოქალაქე, თამაზ გინტური მოკლეს, ლევან დოთიაშვილი კი გაიტაცეს.

შსს-მ რუსეთის საოკუპაციო ძალის წარმომადგენლის მიერ ცეცხლსასროლი იარაღიდან გასროლის შედეგად საქართველოს მოქალაქის მკვლელობის და ერთი პირის გატაცების ფაქტებთან დაკავშირებით გამოძიება სისხლის სამართლის კოდექსის 109-ე და 143-ე მუხლებით დაიწყო, რაც განზრახ მკვლელობას და თავისუფლების უკანონო აღკვეთას გულისხმობს.
Print E-mail
FaceBook Twitter
მსგავსი სიახლეები
ქუთაისში, მედიისა და სამოქალაქო სექტორის წარმომადგენლებმა
14:30 / 12.04.2024
ქუთაისში, მედიისა და სამოქალაქო სექტორის წარმომადგენლებმა "ოცნების" მიერ ინიცირებული "უცხოური გამჭვირვალობის შესახებ" კანონპროექტი, იგივე რუსული კანონი გააპროტესტეს.
პროკურატურის ცნობით, თბილისის საქალაქო სასამართლომ 
11:51 / 12.04.2024
პროკურატურის ცნობით, თბილისის საქალაქო სასამართლომ  "ქურდული სამყაროს“  წევრობასა და  "ქურდული სამყაროს“  საქმიანობის მხარდაჭერაში ბრალდებული 10 პირი დამნაშავედ ცნო.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.