პოლიტიკა
დიდი დანაკლისია - დაგვიანებული სამძიმარი ხელისუფლების წარმომადგენლებისგან
FaceBook
უკრაინაში 3 დეკემბერს დაღუპული ექვსი ქართველი მებრძოლის ოჯახებს, საქართველოს პრემიერ-მინისტრმა ირაკლი ღარიბაშვილმა და პარლამენტის თავმჯდომარემ ზაზა პაპუაშვილმა, სამძიმარი ორი დღის დაგვიანებით გამოუცხადეს.

ღარიბაშვილმა მთავრობის 5 დეკემბრის სხდომაზე განაცხადა, რომ ქართველი მებრძოლების დაღუპვა არის ძალიან დიდი ტკივილი და დანაკლისი. 

"მინდა სამძიმარი გამოვუცხადო დაღუპულთა ოჯახებს, ახლობლებს, ნათესავებს, ასე კიდევ ერთხელ მინდა აღვნიშნო, რომ ჩვენთვის ეს არის ძალიან დიდი ტკივილი. გულწრფელად მინდა ვთქვა ამის თაობაზე. დიდი დანაკლისია, უკვე ჩვენი 33 თანამოქალაქე დაიღუპა ამ ომში, უკრაინაში, რაც, რა თქმა უნდა, არის ჩვენთვის ტრაგედია, ასე რომ, კიდევ ერთხელ ვუსამძიმრებ მათ ოჯახებს", -
განაცხადა ირაკლი ღარიბაშვილმა.

ღარიბაშვილმა ისიც აღნიშნა, რომ წინა შემთხვევებში დაღუპული სამხედროების გადმოსვენება საქართველოს მთავრობამ უზრუნველყო და ყველა მათგანი სამხედრო პატივით დაიკრძალა.

"ვინაიდან მათი უმრავლესობა იყვნენ ყოფილი სამხედროები, პოლიციელები, ოფიცრები, მათ მიღებული აქვთ მონაწილეობა ჩვენს ტერიტორიაზე ომებში - აგვისტოს ომი იქნებოდა 2008 წლის თუ მანამდე აფხაზეთის ომი და სამაჩაბლოში ომები. ამიტომ, ჩვენი გადაწყვეტილებით, ყველა ასეთი შემთხვევა იქნა ღირსეულად, სამხედრო პატივით აღნიშნული, დაკრძალული და კიდევ ერთხელ მინდა, მივუსამძიმრო ყველას აღნიშნული ეს ტრაგედია", - განაცხადა ირაკლი ღარიბაშვილმა.

უკრაინაში ექვსი ქართველი მებრძოლის დაღუპვის გამო მწუხარება გამოთქვა საქართველოს პარლამენტის თავმჯდომარე შალვა პაპუაშვილიმ.  მან კომენტარი ჟურნალისტებთან , 5 დეკემბერს, ჰააგაში ვიზიტისას გააკეთა.

"ბოლო რამდენიმე დღეში ექვსი ქართველის სიცოცხლე შეიწირა რუსეთის აგრესიულმა ომმა უკრაინის წინააღმდეგ. 33 ქართველი ემსხვერპლა უკვე ამ ომს. ეს, რა თქმა უნდა, ჩვენი ქვეყნის დიდი დანაკლისია. მინდა, მივუსამძიმრო დაღუპულების ოჯახებს, მათ ახლობლებს და მთლიანად საქართველოს", - შალვა პაპუაშვილის სამძიმარს საზოგადოებრივი მაუწყებლის პირველი არხი ავრცელებს.

დიდი ტრაგედიის მიუხედავად საქართველოში არ გამოცხადებულა გლოვის დღე.

უკრაინაში რუსეთის აგრესიას 33 ქართველი მებრძოლი შეეწირა.
Print E-mail
FaceBook Twitter
მსგავსი სიახლეები
მიხეილ სააკაშვილისთვის სასჯელის გადავადების ან სასჯელისგან
გათავისუფლების საკითხზე სასამართლო გადაწყვეტილებას სავარაუდოდ,
ორშაბათს, 6 თებერვალს გამოაცხადებს.
13:35 / 04.02.2023
მიხეილ სააკაშვილისთვის სასჯელის გადავადების ან სასჯელისგან გათავისუფლების საკითხზე სასამართლო გადაწყვეტილებას სავარაუდოდ, ორშაბათს, 6 თებერვალს გამოაცხადებს.
ქუთაისის საკრებულოს ფრაქცია
13:10 / 04.02.2023
ქუთაისის საკრებულოს ფრაქცია "ერთიანი ნაციონალური მოძრაობის“ წარმომადგენლები ბოიკოტის რეჟიმში რჩებიან.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.