პოლიტიკა
"მარიუპოლი არის რუსეთის მთავარი სამიზნე" - დიდი ბრიტანეთის დაზვერვა
FaceBook
რუსების მიერ ოკუპირებულ მარიუპოლში მძიმე შეტაკებები გრძელდება.

დიდი ბრიტანეთის სადაზვერვო სამსახურის ინფორმაციით, რუსული ჯარები ქალაქის აღებას ისევ ცდილობენ.

"მარიუპოლი არის მთავარი სამიზნე რუსული შემოჭრისთვის, რადგან ის უზრუნველყოფს სახმელეთო დერეფანს რუსეთიდან ოკუპირებულ ყირიმამდე. ქალაქი კვლავ ექვემდებარება ინტენსიურ განურჩეველ დარტყმებს, მაგრამ უკრაინული ძალები მტკიცე წინააღმდეგობას უწევენ და ინარჩუნებენ კონტროლს ცენტრალურ უბნებზე",
- აცხადებს ბრიტანული დაზვერვა.

მარიუპოლი ერთი თვეა რუსი სამხედროების ალყაშია. ქალაქში ჰუმანიტარული თვალსაზრისით კვლავ მძიმე მდგომარეობაა. უკრაინული მხარის ინფორმაციით, მარიუპოლში რუსმა სამხედროებმა ათასობით მშვიდობიანი მოქალაქე მოკლეს.

ოკუპანტების ჯარი სასტიკად გაუსწორდა ადგილობრივებს ბუჩაში. რუსი ჯარისკაცებისგან გაწმენდილ ქალაქში უკრაინელ სამხედროებს ტრაგიკული სურათი დახვდათ. ქუჩებში ათობით სამოქალაქო პირის ცხედრებია, მათ ნაწილს ხელები აქვს შეკრული. ადგილობრივები ყვებიან რუსი ჯარისკაცების მიერ ჩადენილ წამებისა და გაუპატიურების ფაქტებზე.

უკრაინაში 40 დღეა ომია.

რუსეთი სუვერენულ უკრაინას თავს 24 თებერვალს დაესხა. უკრაინის ინფორმაციით, სრულმასშტაბიანი ომის შედეგად, 7 ათასამდე სამოქალაქო პირია დაღუპული. განადგურებულია შენობების დიდი ნაწილი.










Print E-mail
FaceBook Twitter
მსგავსი სიახლეები
ქუთაისში, მედიისა და სამოქალაქო სექტორის წარმომადგენლებმა
14:30 / 12.04.2024
ქუთაისში, მედიისა და სამოქალაქო სექტორის წარმომადგენლებმა "ოცნების" მიერ ინიცირებული "უცხოური გამჭვირვალობის შესახებ" კანონპროექტი, იგივე რუსული კანონი გააპროტესტეს.
პროკურატურის ცნობით, თბილისის საქალაქო სასამართლომ 
11:51 / 12.04.2024
პროკურატურის ცნობით, თბილისის საქალაქო სასამართლომ  "ქურდული სამყაროს“  წევრობასა და  "ქურდული სამყაროს“  საქმიანობის მხარდაჭერაში ბრალდებული 10 პირი დამნაშავედ ცნო.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.