პოლიტიკა
"ოცნების" მაჟორიტარობის კანდიდატის თეატრში სიტყვით გამოსვლა ადმინისტრაციული რესურსის გამოყენებად შეფასდა
FaceBook
ქუთაისში ,,ქართული ოცნების" მაჟორიტარობის კანდიდატის ზაზა ლომინაძის მესხიშვილის თეატრის საიუბილეო სეზონის გახსნაზე დასწრება და სიტყვით გამოსვლა ადმინისტრაციული რესურსის გამოყენებად შეფასდა.
ფაქტი ,,სამართლიანი არჩევნების" წინასაარჩევნო მონიტორინგის შუალედური ანგარიშში მოხვდა.


"10 ოქტომბერს, ქუთაისში ლადო მესხიშვილის სახელობის სახელმწიფო თეატრის 160-ე წლის იუბილე გაიმართა, რომელსაც "ლელოს" ადგილობრივი წარმომადგენლების მიერ გავრცელებული ინფორმაციით, ესწრებოდა "ქართული ოცნების" ქუთაისის მაჟორიტარი დეპუტატობის კანდიდატი "ქართული ოცნებიდან", ზაზა ლომინაძე. ამასთან, თავად "ლელოს" წარმომადგენელს თეატრის ადმინისტრაციამ დასწრებაზე უარი უთხრა იმ მოტივით, რომ "ოფიციოზი" მათ შორის პრეზიდენტი იქნებოდა ღონისძიებაზე და ამიტომ გარეშე პირებს ვერ შეუშვებდნენ შენობაში.


თეატრის ადმინისტრაციამ "სამართლიანი არჩევნების" დამკვირვებელს დაუდასტურა, რომ ზაზა ლომინაძე ესწრებოდა ღონისძიებას, ასევე არ უარყვეს მისი სიტყვით გამოსვლის ფაქტიც, თუმცა აღნიშნეს, რომ გამოსვლის ტექსტში პოლიტიკა არ ყოფილა და მხოლოდ თეატრისადმი მილოცვით შემოიფარგლებოდა",  - წერია ანგარიშში.


,,ქუთაისიპოსტს" მესხიშვილის თეატრში განუცხადეს, რომ ,,ქართული ოცების" კანდიდატი ღონისძიებაზე საკუთარი სურვილით მივიდა და ღონისძიებაზე დასწრება სურვილის შემთხვევაში სხვა პოლიტიკურ პარტიასაც შეეძლო.

,,არც ,,ქართული ოცნება" დამიპატიჟებია და არ არავინ გარდა მერისა და გუბერნატორისა. არცერთი საარჩევნო კამპანიაში ჩართული პირი არ მოგვიწვევია, თავისი სურვილით მოვიდა ,,ქართული ოცნების" კანდიდატი და ,,ლელოსაც" შეეძლო თავისი სურვილით მოსულიყო,"- განაცხადა სულხან გოგოლაშვილმა.

ფაქტს ,,ახალგაზრდა იურისტთა ასოციაციაშიც" სწავლობენ.
Print E-mail
FaceBook Twitter



მსგავსი სიახლეები
ქუთათელ-გაენათის ეპარქიის მეუფე
იოანე გამრეკელი ქვეყანაში არსებულ ეპიდვითარებას გამოეხმაურა.
13:43 / 23.11.2020
ქუთათელ-გაენათის ეპარქიის მეუფე იოანე გამრეკელი ქვეყანაში არსებულ ეპიდვითარებას გამოეხმაურა.
იმერეთის რეგიონში კორონავირუსით
ინფიცირებულთა რაოდენობა ყოველდღიურად იზრდება.
11:03 / 23.11.2020
იმერეთის რეგიონში კორონავირუსით ინფიცირებულთა რაოდენობა ყოველდღიურად იზრდება.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.