პოლიტიკა
"პედაგოგებს აქციაზე წასვლას აიძულებენ" - გოგი წულაია
FaceBook
პარტია ,,თავისუფალი საქართველოს'' თანათავმჯდომარე გოგი წულაია ქართულ ოცნებას 14 დეკემბერს დაგეგმილ აქციაში ხალხის იძულებით წაყვანაში ადანაშაულებს.
როგორც გოგი წულაია ამბობს, პედაგოგებს და საჯარო მოხელეებს ხალხის გამოყვანას ავალებენ, წინააღმდეგ შემთხვევაში განთავისუფლებით ემუქრებიან.

"პედაგოგები მიკავშირდებიან და მეუბნებიან, რომ აქციაზე გასვლას აიძულებენ. არ სურთ წასვლა, რადგან ამ მთვრობაში სასიკეთოს ვერაფერს ხედავენ. ასევე, მიმდინარეობს ზეწოლები საჯარო მოხელეებზე. ხალხი დაშინებულია. ტენდერში გამარჯვებული კომპანიების მუშებსაც აიძულებენ გამოვიდნენ აქციაზე. აქტივისტებს დავალებული აქვთ ხალხის გამოყვანა. ამის შესახებ ხმამაღლა ვერავინ საუბრობს. მთავრობა ხალხის გამოსაყვანად მილიონობით ლარს ხარჯავს, მაშინ როცა ქვეყანად ამდენი გაჭირვებული და უმუშევარი ადამიანია.  ხომ შეიძლება ეს ფული ხალხის დასაქმებაში დახარჯონ და შემდეგ ეხ ხალხი ისედაც მისცემს ხმას. ესენი ყველაფერს პირიქით აკეთებენ, - ამბობს გოგი წულაია.

ქუთაისის საგანმანათლებლო რესურსცენტრში ქუთაისიპოსტს განუცხადეს, რომ 14 დეკემბერს ისინი თბილისში მიდიან, თუმცა, ამას აქციასთან კავშირი არ აქვს.


ქუთაისის საგანმანათლებლო რესურსცენტრის დირექტორი, მაია ცქიტიშვილი ამბობს, რომ 14 დეკემბერს რესურს ცენტრის წარმომადგენლები და 30 პედაგოგი სამინისტროში ეტალონის ღიონისძიებას დაესწრებიან. 

თბილისში დაგეგმილ აქციაზე ხალხის იძულებით მობილიზებას უარყოფენ "ქართულ ოცნებაშიც". ქუთაისის საკრებულოს განათლების, კულტურის, მეცნიერებისა და სპორტის კომისიის თავმჯდომარე ოთარ ლორთქიფანიძე ამბობს, რომ 14 დეკემბერს დაგეგმილ აქციას ისიც შეუერთდება, თუმცა მისთვის აქციაზე ხალხის გაყვანა არავის დაუვალებია. 

,,არ დგას იმის საჭიროება, რომ ხალხი იძულებით გაიყვანონ, მმართველი პარტიის აქტივის რესურსი სრულიად საკმარისია იმისთვის, რომ მასშტაბური აქცია გაიმართოს. ვიმედოვნებთ, რომ აქციას ხალხის დიდი ნაწილი შემოუერთდება და ყველანი ერთად ვიზეიმებთ იმას, რომ საქართველო ევროსაბჭოს წევრია," - ამბობს ოთარ ლორთქიფანიძე. 

14 დეკემბრეს ქართული ოცნება თბილისში მასშტაბურ აქციას აანონსებს. აქცია პარტიის ახალგაზრდული ორგანიზაციის ინიციატივით, საქართველოს ევროპის საბჭოს მინისტრთა კომიტეტის თავმჯდომარეობის აღსანიშნავი კვირეულის ფარგლებში გაიმართება.
Print E-mail
FaceBook Twitter
მსგავსი სიახლეები

საიდან აიმღვრა, ან რატომ -
შეერთებული შტატებისა და ირანის ურთიერთობები? რატომ ვერ ძოვს ბალახს
ერთად ეს ორი ქვეყანა?
12:14 / 10.01.2020

საიდან აიმღვრა, ან რატომ - შეერთებული შტატებისა და ირანის ურთიერთობები? რატომ ვერ ძოვს ბალახს ერთად ეს ორი ქვეყანა?

ქუთაისში, საქართველოს ევროპის საბჭოს თავმჯდომარეობის აღსანიშნავად,
ევროკავშირისა და საქართველოს დროშები აღმართეს.
14:43 / 12.12.2019
ქუთაისში, საქართველოს ევროპის საბჭოს თავმჯდომარეობის აღსანიშნავად, ევროკავშირისა და საქართველოს დროშები აღმართეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.