პოლიტიკა
ქუთაისში ბავშვთა ძალადობის წინააღმდეგ პეტიციას ხელი მოაწერეს
FaceBook

ქუთაისში, ლადო მესხიშვილის თეატრის წინ, ბავშვთა მიმართ ძალადობის შემცირებისკენ მიმართული კამპანია ,,თქვენთვის შეტყობინებაა’’ გაიმართა.


ღონისძიების მიზანს ბავშვთა ძალადობის ფორმებისა და მისი შედეგების შესახებ საზოგადოების ინფორმირება წარმოადგენს. კამპანიის ფარგლებში მოქალაქეები ხელს აწერენ პეტიციას, რათა მუნიციპალიტეტებმა და მთავრობამ გააუმჯობესონ სერვისები, რომლებიც მიმართულია ბავშვთა საჭიროებებისკენ.


მშობლების მიერ ბავშვების ძალადობირივი მეთოდებით აღზრდა, სააღმზრდელო დაწესებულებებში პროფესიონალი კადრების ნაკლებობა, ბავშვთა სახლში მცხოვრები მოზარდების დარღვეული უფლებები - ეს იმ პრობლემების არასრული ჩამონათვალია, რომლებზეც კამპანიის ფარგლებში გამახვილდა ყურადღება.


ღონისძიების ორგანიზატორების თქმით, პრობლემების აღმოსაფხვრელად საჭიროა არსებობდეს სარეაბილიტაციო სერვისები, რომლებიც ხელს შეუწყობენ ძალადობის მსხვერპლი ბავშვების რეაბილიტაციას და საზოგადოებაში ინტეგრაციას.

"ძალადობა მძიმე გავლენას ახდენს ბავშვების ფსოქო-ემოციურ მდგომარეობაზე,ძალადობის მსხვერპლი ბავშვები  ხდებიან დისფუნქციურები, საკუთარ თავზე განცდილი ძალადობრივი გამოცდილება შესაძლებელია სხვაზე გადაიტანონ და გახდნენ მოძალადეები. სწორედ ამიტომაა მნიშვნელოვანი, რომ სახელმწიფომ გააუმჯობესოს  სერვისები, რომლებიც უზრუნველყოფს ბავშვთა საჭიროებებს", - ამბობს პროექტის კოორდინატორი თინათინ ჭელიშვილი.


კამპანია "თქვენთვის შეტყობინებაა"  სამი დღის განმავლობაში გაგრძელდება. მისი ორგანიზატორები არიან: "კოალიცია ბავშვებისა და ახალგაზრდებისათვის", სიდა, სამოქალაქო საზოგადოების რეგიონული ქსელი (R-CSN), „დემოკრატიული ჩართულობის ცენტრების ქსელი“ (NCCE), საზოგადოება „ბილიკი“, „სოციალური ქოლგა“, USAID-ის და საქართველოს გაეროს ასოციაციის პროგრამა PITA. კამპანია დაფინანსებულია აშშ საერთაშორისო განვითარების სააგენტოს (USAID), აღმოსავლეთ-დასავლეთის მართვის ინსტიტუტის (EWMI) ACCESS-ის პროექტისა და Save the Children-ის მიერ.
კამპანია ქუთაისის გარდა გორსა და თელავშიც იმართება.

Print E-mail
FaceBook Twitter
მსგავსი სიახლეები
ბინები საქართველოსა და საზღვარგარეთ, აგარაკები, მიწის
ნაკვეთები, ავტოფარეხები, ფერწერული ტილოები და ცეცხლსასროლი
იარაღები
13:12 / 22.05.2024
ბინები საქართველოსა და საზღვარგარეთ, აგარაკები, მიწის ნაკვეთები, ავტოფარეხები, ფერწერული ტილოები და ცეცხლსასროლი იარაღები
აშშ-ის შეთავაზებას, აგენტების შესახებ კანონის
უკან გაწვევის შემთხვევაში ამერიკასთან 
სავიზო რეჟიმის ლიბერალიზაციაზე, ''ქართული ოცნება'' უარით
პასუხობს.
14:09 / 21.05.2024
აშშ-ის შეთავაზებას, აგენტების შესახებ კანონის უკან გაწვევის შემთხვევაში ამერიკასთან სავიზო რეჟიმის ლიბერალიზაციაზე, ''ქართული ოცნება'' უარით პასუხობს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.