პოლიტიკა
წყალტუბოს მერიამ ქუთაისიპოსტს მუნიციპალიტეტის შენობაში მოქალაქეებთან დისკუსიის ჩატარებაზე უარი უთხრა
FaceBook
წყალტუბოს  მერიამ,  ქუთაისიპოსტს, მერიის წარმომადგენლებსა და მოქალაქეებს შორის დიკუსიის გასამართად ფართის დათმობაზე უარი უთხრა.
საუბარია, ქუთაისიპოსტის  რუბრიკაზე  "ხალხი და ხელისუფლება პირისპირ", რომლის ფარგლებშიც  მედიაორგანიზაცია უზრუნველყოფს მუნიციპალიტეტებში არსებულ პრობლემებზე  საჯარო დისკუსიების ჩატარებას იმერეთის მასშტაბით.  

ქუთაისიპოსტმა დისკუსიის გამართვისთვის საჭირო ფართის მისაღებად წყალტუბოს მუნიციპალიტეტს ოფიციალური წერილით ორჯერ მიმართა.  პასუხად კი  გვითხრეს, რომ ჩვენს მიერ შერჩეულ დროს,  31 ოქტომბერს, 14 საათზე  მერიის სააქტო დარბაზი დაკავებულია, თუმცა, კონკრეტულად რა ღონისძიებაა დაგეგმილი, წერილში განმარტებული არ არის.

მეორეს მხრივ, წყალტუბოს მერია წერილში მიუთითებს, რომ მუნიციპალიტეტის პირველი პირები  "აქტიურად" ხვდებიან მოქალაქეებს  და ჩვენი ანუ სააგენტოს მხრიდან მსგავსი დისკუსიების ჩატარება  აუცილებლობას არ წარმოადგენს. 

"მიმდინარე წლის 28 ოქტომბერს მუნიციპალიტეტის მერიაში ჩატარდა საჯარო შეხვედრა მოსახლეობასთან, რომელსაც ესწრებოდნენ როგორც რიგითი წყალტუბოელები, ასევე არასამთავრობო ორგანიზაციებისა და მედიის წარმომადგენლები. მერმა წარადგინა გაწეული მუშაობის ანგარიში, გამომდინარე აქედან,  დამატებითი შეხვედრის მოწყობა და დისკუსიის გამართვა აუცილებლობას არ წარმოადგენს", -  ნათქვამია წყალტუბოს მუნიციპალიტეტიდან გამოგზავნილ წერილში, რომელსაც ხელს ქალაქის მერი გრიგოლ იოსელიანი აწერს.






ქუთაისიპოსტმა ახალი სეზონიდან დაიწყო  რუბრიკა სახელწოდებით "
ხალხი და ხელისუფლება პირისპირ”, რომლის ფარგლებში მომზადდება თითეული მუნიციპალიტეტიდან  ვიდეობლოგები, სადაც ნაჩვენები იქნება სოფლად მცხოვრები მოქალაქეების მთავარი სათქმელი, როგორც ხელისუფლების, ასევე, სოფელში არსებული პრობლემების მიმართ.

რუბრიკის მიზანია, მოქალაქეებისთვის გამოხატვის თავისუფლების შესაძლებლობების გაზრდა და სამოქალაქო საზოგადოების გააქტიურება, ღია და ანგარიშვალდებული მმართველობის მონიტორინგი. რუბრიკის ფარგლებში, ყოველი თვის ბოლოს კი იმერეთის თითოეულ მუნიციპალიტეტში მოეწყობა მრგვალი მაგიდა/საჯარო შეხვედრა.

შეხვედრაში სახელწოდებით “უპასუხე ხალხს” მონაწილეობას  მიიღებენ  კონკრეტული მუნიციპალიტეტის მცხოვრებლები, ხელისუფლების, ოპოზიციისა და არასამთავრობო ორგანიზაციების წარმომადგენლები. ეს იქნება მოსახლეობისა და ხელისუფლების შეხევდრა პირისპირ. მრგვალი მაგიდა იქნება შესაძლებლობა, მოქალაქეებმა ხელისუფლების წარმომადგენლებს დაუსვან კონკრეტული კითხვები და მიიღონ კონკრეტული პასუხები, რაც შესაძლებლობას მისცემთ დაისახონ პრობლემების მოგვარების გზები.

Print E-mail
FaceBook Twitter
მსგავსი სიახლეები
ქუთაისში ,,ქართული ოცნების
12:51 / 23.10.2020
ქუთაისში ,,ქართული ოცნების" მაჟორიტარობის კანდიდატის ზაზა ლომინაძის მესხიშვილის თეატრის საიუბილეო სეზონის გახსნაზე დასწრება და სიტყვით გამოსვლა ადმინისტრაციული რესურსის გამოყენებად შეფასდა.
წყალტუბოს, სამტრედიის, ვანისა და ხონის მაჟორიტრაობის კანდიდატად
ტელეწამყვანი ნანუკა ჟორჟოლიანი ოფიციალურად ამომრჩევლებს წყალტუბოში,
მისმა პირველმა მასწავლებელმა წარუდგინა.
20:38 / 22.10.2020
წყალტუბოს, სამტრედიის, ვანისა და ხონის მაჟორიტრაობის კანდიდატად ტელეწამყვანი ნანუკა ჟორჟოლიანი ოფიციალურად ამომრჩევლებს წყალტუბოში, მისმა პირველმა მასწავლებელმა წარუდგინა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.