პოლიტიკა
მუნიციპალიტეტები იმერეთში, რომლებიც ნაქირავები შენობებით სარგებლობენ - TI -ის კვლევა
FaceBook
ტყიბული, საჩხერე, სამტრედია - ეს ის მუნიციპალიტეტებია იმერეთის რეგიონში, რომლებიც თავიანთი უფლებამოსილების განსახორციელებლად შენობებს ქირაობს.
ამის შესახებ კვლევა "საერთაშორისო გამჭვირვალობა- საქართველომ" გამოაქვეყნა.

სამტრედიის  მუნიციპალიტეტს სამი შენობა აქვს ნაქირავები ფიზიკური პირისგან. როგორც სამტრედიის მუნიციპალიტეტში განმარტავენ, ნაქირავები შენობებით აიპები სარგებლობენ, რისთვისაც ადგილობრივი ბიუჯეტიდან  წელიწადში  5 175 ლარს იხდიან.

საჩხერის მუნიციპალიტეტში ერთი შენობა არის ნაქირავები, ქირის ღირებულება 4 560 ლარია, შენობით მხოლოდ ერთი დაწესებულება სარგებლობს. ანალოგიურად, ერთი შენობა აქვს ნაქირავები
ტყიბულის მერიას, რომლისთვისაც  ყოველწლიურად  1 500 ლარს იხდის.

კვლევაში აღნიშნულია, რომ თვითმმართველობებს, უფლებამოსილებებთან ერთად, საკმარისი ოდენობის ფინანსური რესურსები და ქონებაც არ გააჩნიათ, მეტიც - მუნიციპალიტეტებიტერიტორიაზე სახელმწიფო უფრო მეტ უძრავ ქონებას ფლობს ვიდრე თვითმმართველობა. ეს კი ხელს უშლის ადგილობრივი ეკონომიკის განვითარებას.

"საქართველოში დეცენტრალიზაციის დაბალი დონე მნიშვნელოვან პრობლემას წარმოადგენს. თვითმმართველობებს, უფლებამოსილებებთან ერთად, საკმარისი ოდენობის ფინანსური რესურსები და ქონებაც არ გააჩნიათ, მეტიც - მუნიციპალიტეტების ტერიტორიაზე სახელმწიფო უფრო მეტ უძრავ ქონებას ფლობს, ვიდრე თვითმმართველობა.

საკმარისი ოდენობის ქონების არქონა კი მნიშვნელოვნად უშლის ხელს ადგილობრივ ეკონომიკურ განვითარებას, აფერხებს მუნიციპალური სერვისების მიწოდების პროცესს, აძვირებს მას, ხშირ შემთხვევაში კი მუნიციპალიტეტები მოკლებულნი არიან შესაძლებლობას, მათსავე ტერიტორიაზე არსებული ქონება გამოიყენონ შემოსავლების გასაზრდელად.


ხელისუფლება ამჟამად 2019-2025 წლების დეცენტრალიზაციის სტრატეგისა და 2019-2020 წლების სამოქმედო გეგმაზე მუშაობს, თუმცა ჯერ კიდევ უცნობია თუ რა სახის და ოდენობის ქონება შეიძლება გადაეცეთ თვითმმართველობებს საკუთრებაში. ამასთანავე პრობლემურია შემდეგი გარემოებაც - დამკვიდრებული პრაქტიკის თანახმად, მუნიციპალიტეტები შენობის ქირაობისას ხელშეკრულებას აფორმებენ სასურველი შენობის მეპატრონესთან, რაც ქმნის კორუფციული გარიგების რისკებს. ამ რისკის შესამცირებლად აუცილებელია დამკვიდრდეს უკეთესი სტანდარტი და კონკრეტული უფლებამოსილების განხორციელებისათვის საჭირო შენობა მუნიციპალიტეტმა შეარჩიოს საჯარო გამოცხადების, კონკურსის ან/და ფასთა გამოკითხვის მეშვეობით, რაც უზრუნველყოფს პროცესის გამჭვირვალობასაც და თვითმმართველობის მიერ გასაწევი ხარჯების გარკვეულ ეკონომიასაც", - ნათქვამია კვლევაში. 

“საერთაშორისო გამჭვირვალობა-საქართველო” მოუწოდებს საქართველოს პარლამენტსა და აღმასრულებელ ხელისუფლებას გადადგან ქმედითი ნაბიჯები თვითმმართველობების გაძლიერებისათვის და მუნიციპალიტეტებს საკუთრებაში გადასცენ ყველა ის ქონება, რაც, ერთის მხრივ, აუცილებელია მათი უფლებამოსილებების განსახორციელებლად, მეორეს მხრივ კი მუნიციპალიტეტებს გაუჩენს დამატებითი შემოსავლების მიღების შესაძლებლობას.

Print E-mail
FaceBook Twitter



მსგავსი სიახლეები
3 დეკემბერს ცესკო 31 ოქტომბრის
საპარლამენტო არჩევნების საბოლოო შედეგებს შეაჯამებს და ოქმს
გამოსცემს.
10:51 / 03.12.2020
3 დეკემბერს ცესკო 31 ოქტომბრის საპარლამენტო არჩევნების საბოლოო შედეგებს შეაჯამებს და ოქმს გამოსცემს.
ქუთაისის ახალდარჩეულმი მერი სოსო ხახალეიშვილი ქალაქის პირველი პირის
რანგში მუშაობას საოლქო საარჩევნო კომისიის მიერ შემაჯამებელი ოქმის
დაწერიდან მე-11-ე დღეს შეუდგება.
12:40 / 25.11.2020
ქუთაისის ახალდარჩეულმი მერი სოსო ხახალეიშვილი ქალაქის პირველი პირის რანგში მუშაობას საოლქო საარჩევნო კომისიის მიერ შემაჯამებელი ოქმის დაწერიდან მე-11-ე დღეს შეუდგება.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.