პოლიტიკა
"გარეთ გავალო და ფანჯრიდან გადავარდა" - რას ჰყვებიან თვითმხილველები გარდაცვლილ ქალზე
FaceBook
ქუთაისში, ხუნდაძის ქუჩაზე ხუთსართულიანი საცხოვრებელი კორპუსის ფანჯრიდან გადმოვარდნილი 67 წლის დარეჯან გოშხეთელიანი, შემთხვევის დროს სახლში მარტო იმყოფებოდა.

თვითმხილველების თქმით, ხანდაზმული ქალი ჯერ მეოთხე და მესამე სართულებზე, აივანთან სარეცხის თოკებს გამოედო, ხოლო შემდეგ სადარბაზოს ბაღში დაეცა. მეზობლები ქუთაისიპოსტთან საუბარში ჰყვებიან, რომ გარდაცვლილი ავადმყოფობდა.  

მათი თქმით, მანამდე ის ბაღდათის მუნიციპალიტეტის ერთ-ერთ სოფელში მარტო ცხოვრობდა, მოგვიანებით შვილმა ქუთაისში წამოიყვანა, რათა ავადმყოფი დედისთვის მიეხედა. 

"15 წუთის გასული იყო რძალი სახლიდან. საჭმელი ვაჭამეო და უცებ გავედი საქმეზეო. შვილიც მუშაობდა. ალბათ, იფიქრა, გარეთ გავალო და ფანჯრიდან გადავარდა, ამდენი ვერ მოიფიქრა. ყველა ნეკნი ჩამტვრეული ჰქონდა. სანამ საავადმყოფოში გადაიყვანდნენ, ცოცხალი იყო და რძალსაც ესაუბრებოდა: მოდი, მოდიო", - ამბობს მეზობელი და თვითმხილველი ნაილი სახელაშვილი.

შემთხვევა მიმდინარე წლის 9 ოქტომბერს მოხდა. ქალი საავადმყოფოში გარდაიცვალა.

შინაგან საქმეთა სამინისტროში განმარტავენ, რომ მომხდარზე გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.

Print E-mail
FaceBook Twitter
მსგავსი სიახლეები
ორთვიანი წყვეტის შემდეგ,  საქალაქო
ტრანსპორტმა მუშაობა განაახლა, თუმცა,
პირველივე დღეს
გაფუჭდა #28
მიკროავტობუსი.
10:31 / 29.05.2020
ორთვიანი წყვეტის შემდეგ,  საქალაქო ტრანსპორტმა მუშაობა განაახლა, თუმცა, პირველივე დღეს გაფუჭდა #28 მიკროავტობუსი.
29 მაისიდან ქუთაისში სრულად აღდგა საქალაქო
ტრანსპორტის მოძრაობა.
09:59 / 29.05.2020
29 მაისიდან ქუთაისში სრულად აღდგა საქალაქო ტრანსპორტის მოძრაობა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.