მიმართვის ტექსტში აქციის მონაწილეები გიორგი გახარიას შახტში დასაქმებულთა მძიმე ეკონომიკურ მდგომარეობაზე აწვდიან ინფორმაციას და სასწრაფო რეაგირებისჯენ მოუწოდებენ. მეშახტეები მთავრობის მეთაურს მოთხოვნების არდაკმაყოფილების შემთხვევაში პროტესტის რადიკალური ფორმების გამოყენების შესახებაც აფრთხილებენ.

"15 სექტემბრამდე ჩვენ ველოდით აგვისტოს ხელფასის ჩარიცხვას, მაგრამ კომპანიის ადმინისტრაცია არ ახორციელებს არავითარ კომუნიკაციას დასაქმებულებთან და ჩვენთვის ბუნდოვანია ჩვენი შრომის ანაზღაურების პერსპექტივა. ასევე, სრულ ინფორმაციულ ვაკუუმში ვიმყოფებით ტყიბულის შახტების ამოქმედებასთან დაკავშირებით. აქ დასაქმებული ადამიანებისთვის ხელფასი წარმოადგენს თვიდან თვემდე საარსებო წყაროს. ამასთან, თითოეულ ჩვენგანს გააჩნია საბანკო ვალდებულებები და ხელფასის დაგვიანებით ეს ვალდებულებები ჯარიმებითა და პირგასამტეხლოებით დაგვიმძიმდა. ამასთანავე, ხელფასების დაგვიანება დაემთხვა სასწავლო წლის დაწყებას, რის გამოც ვერ უზრუნველვყავით ჩვენი შვილების მომზადება სკოლებისა და უმაღლესი სასწავლებლებისთვის.

ტყიბული იმყოფება მასობრივი საპროტესტო გამოსვლების ზღვარზე და ზემოთაღნიშნული პრობლემების მოუგვარებლობის შემთხვევაში არ გამოვრიცხავთ, მოვლენათა რადიკალურ განვითარებას.

გთხოვთ, უახლოეს მომავალში უზრუნველყოთ ტყიბულის შახტების ამოქმედების საკითხის გადაწყვეტა, გასაჯაროვდეს ინფორმაცია შახტებში არსებული უსაფრთხოების მდგომარეობის შესახებ და დაგვეხმაროთ ჩვენი კუთვნილი ხელფასების მიღებაში," - ნათქვამია მიმართვის ტექსტში.

აქციის მონაწილეები წერილს გაგზავნიან საქართველოს პარლამენტში და ეკონომიკის სამინისტროში.

გაფიცულები ამ დრომდე რჩებიან მერიის შენობის წინ. ისინი ადგილზე კომპანიის დირექტორს, ჯამბულ ჯაყელს ელოდებიან,რომელიც მათი ინფორმაციით თბილისიდან უკვე გამოემგზავრა.


ამავე თემაზე:
"სოლიდარობა მეშახტეებს" - საპროტესტო მსვლელობა ტყიბულში (ვიდეო)



მსგავსი სიახლეები
თბილისში,
10:33 / 14.12.2019
თბილისში, "ქართული ოცნების" მიერ ჩანიშნულ  ღონისძიებაზე იმერეთიდან  საჯარო მოხელეები და სხვა სტრუქტურებში დასაქმებული ადამიანები რამდენიმე ათეული მიკროავტობუსით წაიყვანეს.
მესხიშვილის თეატრში პრემიერისთვის
ემზადებიან.
10:33 / 14.12.2019
მესხიშვილის თეატრში პრემიერისთვის ემზადებიან.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.