პოლიტიკა
სამეცნიერო პიკნიკზე კოლბა აფეთქდა - დაშავებულია ხუთი მოსწავლე
FaceBook

ქუთაისის ცენტრალურ ბაღში მიმდინარე სამეცნიერო პიკნიკზე სკოლის მოსწავლეები  დაშავდნენ.



ადგილზე, სადაც 33-ე სკოლის სიმულაციის ცენტრი იყო მოწყობილი, ქიმიური ლაბორატორიის ცდის ჩატარების დროს კოლბა აფეთქდა, რის შედეგადაც ხუთმა მოსწავლემ მსუბუქი დაზიანება მიიღო. 

როგორც თვითმხილველები ამბობენ, აფეთქების  ხმა ძლიერი იყო. #33-ე სკოლის პედაგოგის თქმით, ცდები წინასწარ ჩაატარეს და მსგავს შემთხვევას არ ელოდნენ.

,,როგორც ჩანს ტრანსპორტირების დროს გაჩნდა ბზარი და აირი დაგროვდა, სხვა მიზეზი შეუძლებელია იყოს, რადგან ყველაფერი  წინასწარ გამოცდილი გვქონდა," ' -ამბობს პედაგოგი.


დაშავებულებს ადგილზე გაეწიათ სამედიცინო დახმარება.  ექიმების განცხადებით, მოსწავლეების ჯანმრთელობას საფრთხე არ ემუქრება.

გამოძიება სისხლის სამართლის 124-ე მუხლით დაიწყო, რაც გაუფრთხილებლობით  ჯანმრთელობის ნაკლებად მძიმე ან მძიმე დაზიანებას  გულისხმობს.

ღონისძიება შოთა რუსთაველის ეროვნული სამეცნიერო ფონდის მიერ იყო ორგანიზებული,  საქართველოს განათლების, მეცნიერების, კულტურისა და სპორტის სამინისტროს დაფინანსებით.

ქუთაისში სამეცნიერო პიკნიკი მეცნიერებისა და ინოვაციების ფესტივალის ფარგლებში მოეწყო. ღონისძიების მიზანს სამეცნიერო ფაკულტეტების პოპულარიზაცია და ახალგაზრდების მისით დაინტერესება წარმოადგენს. ფესტივალის ფარგლებში, სამეცნიერო პიკნიკების გარდა, საქართველოს მასშტაბით, ეწყობა 300-მდე ღონისძება, მათ შორის, სამეცნიერო კონფერენციები, ვორქშოპები, სახალისო ვიქტორინები.

ფესტივალი ყოველწლიურად 16-დან 30 სექტემბრის ჩათვლით საქართველოს ხუთ ქალაქში ტარდება. ღონისძიების დახურვა წელს, 30 სექტემბერს, ზუგდიდში იგეგმება.

Print E-mail
FaceBook Twitter
მსგავსი სიახლეები

საიდან აიმღვრა, ან რატომ -
შეერთებული შტატებისა და ირანის ურთიერთობები? რატომ ვერ ძოვს ბალახს
ერთად ეს ორი ქვეყანა?
12:14 / 10.01.2020

საიდან აიმღვრა, ან რატომ - შეერთებული შტატებისა და ირანის ურთიერთობები? რატომ ვერ ძოვს ბალახს ერთად ეს ორი ქვეყანა?

ქუთაისში, საქართველოს ევროპის საბჭოს თავმჯდომარეობის აღსანიშნავად,
ევროკავშირისა და საქართველოს დროშები აღმართეს.
14:43 / 12.12.2019
ქუთაისში, საქართველოს ევროპის საბჭოს თავმჯდომარეობის აღსანიშნავად, ევროკავშირისა და საქართველოს დროშები აღმართეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.