პოლიტიკა
ვანსა და ხონში შუალედური არჩევნები 2018 წლის აპრილში გაიმართება
FaceBook
ვანისა და ხონის მაჟორიტარი დეპუტატის ასარჩევად შუალედური არჩევნები 2018 წლის აპრილში გაიმართება.

ამის შესახებ ქუთაისიპოსტს ცენტრალურ საარჩევნო კომისიაში განუმარტეს.

ვანისა და ხონის გაერთიანებულ სამაჟორიტარო ოლქში შუალედური არჩევნების ჩატარების აუცილებლობა მას შემდეგ დადგა, რაც ყოფილი მაჟორიტარი, გრიგოლ ლილუაშვილი სახელმწიფო უსაფრთხოების სამსახურის უფროსის მოადგილედ დაინიშნა.

საარჩევნო კოდექსის 129-ე მუხლის თანახმად, მაჟორიტარული საარჩევნო ოლქიდან არჩეული პარლამენტის წევრის გამოკლების შემთხვევაში, საქართველოს პარლამენტის შუალედური არჩევნები აპრილში ან ოქტომბერში იმართება.

"თუ პარლამენტის წევრს უფლებამოსილება შეუწყდა 15 თებერვლიდან 15 ივლისამდე, საქართველოს პარლამენტის შუალედური არჩევნები იმართება იმავე წლის ოქტომბერში, ხოლო თუ პარლამენტის წევრს უფლებამოსილება შეუწყდა 15 ივლისიდან 15 თებერვლამდე, მაშინ − უახლოეს აპრილში,"- განმარტებულია საარჩევნო კოდექსის 129-ე მუხლში.

გრიგოლ ლილუაშვილი მე-9 მოწვევის პარლამენტის წევრი 2016 წლიდან მიმდინარე წლის 11 დეკემბრამდე გახლდათ. საკანონმდებლო ორგანოში ის რეგიონული პოლიტიკისა და თვითმმართველობის კომიტეტს თავმჯდომარეობდა, ასევე იყო ფრაქცია "ქართული ოცნების" წევრი.




Print E-mail
FaceBook Twitter
მსგავსი სიახლეები
საქართველოს ოკუპირებული ტერიტორიებიდან დევნილთა, შრომის,
ჯანმრთელობისა და სოციალური დაცვის მინისტრმა, ზურაბ აზარაშვილმა
თანამდებობა დატოვა.
11:18 / 01.03.2024
საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, ზურაბ აზარაშვილმა თანამდებობა დატოვა.
ენმ-ის ქუთაისის ორგანიზაციის ყოფილმა წევრებმა, რომლებმაც პარტია
უკვე დატოვეს, ქუთაისის საკრებულოს ფრაქციას ''ნაციონალური მოძრაობა''
სახელი შეუცვალეს და იქედან ყოფილი თანაგუნდელები გარიცხეს.
12:43 / 28.02.2024
ენმ-ის ქუთაისის ორგანიზაციის ყოფილმა წევრებმა, რომლებმაც პარტია უკვე დატოვეს, ქუთაისის საკრებულოს ფრაქციას ''ნაციონალური მოძრაობა'' სახელი შეუცვალეს და იქედან ყოფილი თანაგუნდელები გარიცხეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.