პოლიტიკა
"საქართველოში აღარ იქნება ავტორიტარული მმართველობა"- ირაკლი კობახიძე
FaceBook
საქართველოს პარლამენტის თავმჯდომარემ ირაკლი კობახიძემ ქუთაისში, კონსტიტუციაში დაგეგმილი ცვლილებების პროექტის საყოველთაო - სახალხო განხილვაზე განაცხადა, რომ გარკვეული სპეკულაციები იყო პრეზიდენტის არჩევნებთან დაკავშირებით.
რის გამოც, მისივე თქმით, მმართველმა გუნდმა გადაწყვიტა გადაევადებინა პრეზიდენტის არაპირდაპირი არჩევის წესი.

"პირველად შედის ისეთი ცვლილებები კონსტიტუციაში, რომელიც არათუ შეესაბამება ჩვენს სუბიექტურ ინტერესებს, არამედ პირიქით, არის ამ სუბიექტური ინტერესების საწინააღმდეგო რეგულაციები: იცვლება საარჩევნო სისტემა ჩვენი ინტერესების წინააღმდეგ, ძლიერდება ოპოზიციის უფლებები, არის უამრავი ცვლილება, რომელიც ზღუდავს მმართველი პოლიტიკური გუნდის ინტერესებს და ეს კეთდება იმისათვის, რომ გაძლიერდეს დემოკრატიული სისტემა. ცვლილებების პოზიტიური მხარე თითოეულმა მოქალაქემ უნდა იგრძნოს. ჩვენ შეგვიძლია ერთმანეთს შევადაროთ მოქმედი კონსტიტუცია და ახალი ტექსტი და ნახავთ, რომ არ არის არც ერთი მუხლი, რომლითაც მმართველი პარტია იუმჯობესებს საკუთარ პოლიტიკურ პოზიციებს, " - განაცხადა ირაკლი კობახიძემ.

პარლამენტის თავმჯდომარის თქმით, ამ ცვლილებების მთავარი შედეგი იქნება ის, რომ საქართველოში აღარ იქნება ავტორიტარული მმართველობა.

"ნებისმიერი კონსტიტუციის მთავარი ამოცანა არის ავტორიტარიზმის გამორიცხვა. ჩვენ ძალიან კარგად გვახსოვს გასული წლებიდან, თუ სადამდე მიგვიყვანა გაუმართავმა კონსტიტუციებმა, ეს იყო ნახევრად ავტორიტარული თუ ავტორიტარული რეჟიმები, რომლის საფუძველი და მთავარი საყრდენი, სამწუხაროდ, კონსტიტუციები იყო. ჩვენ გამოვიარეთ ქვეყნის ძირითადი კანონის სამი სხვადასხვა რედაქცია და, სამწუხაროდ, ამ რედაქციებმა უზრუნველყო საქართველოში ნახევრად ავტორიტარული თუ ავტორიტარული მმართველობის რეჟიმების ჩამოყალიბება. ჩვენი მთავარი მიზანი სწორედ ამის გამორიცხვა იყო და ვეფუძნებოდით იმ რწმენას, რომ ამის გამორიცხვა ყველაზე მეტად სწორედ საპარლამენტო მმართველობის სისტემას შეეძლო. ჩვენ გამოვიარეთ საპრეზიდენტო და ნახევრად-საპრეზიდენტო მოდელები და ერთადერთი, რომელიც ბოლომდე არ გამოგვიცდია არის სწორედ საპარლამენტო მმართველობა. ეს არის ყველაზე ევროპული ტიპის მმართველობის სისტემა. ჩვენ თავიდანვე განვაცხადეთ ძალიან მყარი პოლიტიკური პოზიცია იმასთან დაკავშირებით, რომ გვინდოდა შეგვენარჩუნებინა არსებული საპარლამენტო სისტემა და კიდევ უფრო მეტად დაგვეხვეწა ის", - განაცხადა ირაკლი კობახიძემ.
Print E-mail
FaceBook Twitter
მსგავსი სიახლეები

საქართველოს პარლამენტის 2020 წლის
არჩევნებში მონაწილეობის უფლების მისაღებად პოლიტიკური პარტიების
ნაწილს დღეს საქართველოს ცენტრალური სარჩევნო კომისიისთვის (ცესკო)
მომართვის ვადა ამოეწურათ.
10:57 / 15.07.2020

საქართველოს პარლამენტის 2020 წლის არჩევნებში მონაწილეობის უფლების მისაღებად პოლიტიკური პარტიების ნაწილს დღეს საქართველოს ცენტრალური სარჩევნო კომისიისთვის (ცესკო) მომართვის ვადა ამოეწურათ.

ქუთაისის საკრებულოს ყოფილი თავმჯდომარის, ნიკა
ლატარიას მიერ დეპუტატის მანდატის დატოვების შემდეგ, წარმომადგენლობით
ორგანოში ადგილი გათავისუფლდა.
12:44 / 13.07.2020
ქუთაისის საკრებულოს ყოფილი თავმჯდომარის, ნიკა ლატარიას მიერ დეპუტატის მანდატის დატოვების შემდეგ, წარმომადგენლობით ორგანოში ადგილი გათავისუფლდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.