ახალი ამბები
ელისის სიზმარი „პოლიტიკური“ აქცენტით
FaceBook

პანდემიამ და რეგულაციებმა თეატრები ახალი გამოწვევის წინაშე დააყენა.


Მაგალითად, ავტორებიდან მოითხოვა სპექტაკლების მოკლე ფორმატი. უფრო ადრე, დრომ და ცხოვრების აჩქარებულმა ტემპმა დააყენა "შორტ" ფორმატების აუცილებლობა. თანამედროვე ადამიანს არა აქვს არც დრო და არც მოთმინება დიდხანს უყუროს და ისმინოს ესა თუ ის ისტორია.

კიდევ უფრო ადრე - იმ დიდმა კაცმა, რუსთაველმა "მოკლედ თქმის" მნიშვნელობასა და უპირატესობას მიუძღვნა მისი დიადი პოემის პროლოგის მნიშვნელოვანი ნაწილი. მოკლედ თქმა საჭირო ხელობაა და დიდ ოსტატობას ითხოვს. შესაბამისად Მოკლედ თქმა არ ნიშნავს, ნახევრად თქმას, არც ფრაგმენტულად თხრობას, როცა სრული ისტორიის მოყოლაზეა მოლოდინი.

Მოკლე სათქმელმა ყველაფერი უნდა ასახოს, მცირე დროში აკუმულირდეს მთავარი სათქმელი, არ დატოვოს დაუსრულებლობის, მითუმეტეს სიცარიელის განცდა.

Მოლოდინის დიდი განცდა ახლდა Პანდემიის მიზეზით ერთწლიანი პაუზის შემდეგ მესხიშვილის თეატრში გამართულ პირველ პრემიერას.

ელენე მაცხონაშვილის "ელისი საოცრებათა ქვეყანაში". Სპექტაკლის დარბაზში ყურების Მონატრება იმდენად დიდი გახლდათ, რომ თანამედროვე ადამიანისთვის დამახასიათებელი დროის დეფიციტიც აღარ მოქმედებდა მაყურებელი სცენიდან ვრცლად მოყოლილ ამბავსაც მიიღებდა ისე, რომ მოუთმენლობა არ შეაწუხებდა. Მაგრამ ავტორებმა მხოლოდ ფრაგმენტი შემოგვთავაზეს. Ლამაზი ფრაგმენტი.

უჩვეულო ფორმით თოჯინებისა და ცოცხალი პლანის ერთობით მოყოლილი ამბავი. ელისის საოცარ მოგზაურობაზე სარკისმიღმეთში. მათემატიკის, ფიზიკის, სინტაქსის თუ მორალის სხვა კანონებით. Არატიპიური გმირებით, უცნაური ლოგიკით, მხოლოდ სარკისმიღმეთისთვის ბუნებრივი თამაშის წესებით. თამაშის ეს წესები რომ გაიგო და მითუმეტეს, რომ აყვე დრო გჭირდება. Დრო არ ქონდა ელისს. Საოცარ ქვეყანაში Მოვლენები სწრაფად ვითარდებოდა. დრო არ ქონდა არც მაყურებელს.

იგი პირველ რიგში რეგულაციებმა და მეორე რიგში ავტორებმა შეზღუდეს. მაყურებელმა ვერ მოსწრო სარკისმიღმეთში გასეირნება და იმ სამყაროს შეგრძნება, რასაც ქეროლი ან გნებავთ ელენე მაცხონაშვილი გვთავაზობდა. Რეგულაციების მეტისმეტი ერთგულების თუ სხვა მიზეზების გამო ელისის სიზმარი მოსალოდნელზე მოკლე დროში გაქრა, ისე რომ არ დატოვა ემოცია.

Არადა თეატრში ემოციისთვის მიდიხარ. Სიზმარსაც ემოციით იმახსოვრებ. ელისი ემოციით არ დარჩა მაყურებლის მახსოვრობაში. თუმცა დაგვამახსოვრდა გზავნილი, რომელიც "აპოლიტიკური" თეატრის სცენიდან ძალიანაც პოლიტიკურად და დროულად გაჟღერდა.

Როგორი უნდა იყოს ქვეყნის მმართველი? Როგორი და კეთილი და სამართლიანი - ელისის ბოლო სიტყვა ასეთი იყო.

Მისი დასკვნა, მოგზაურობის, ულოგიკო და უსამართლო კანონებთან შეხების შემდეგ. Რომელიც სასაცილოა ზღაპარში, ან სიზმარში.

თუმცა ტრაგიკულია რეალურ ცხოვრებაში.

ეს რეალობა დგას. სარკის აქეთ ნამდვილ ცხოვრებაში, ამიტომ Პასუხისმგებლიანი ავტორი მას გვერდს ვერ აუვლის ვერც ზღაპარში.

Მას გვერდი ვერ აუარა ვერც ელენე მაცხონაშვილმა.

დიდი ავტორების "Სიზმრებმა" უცნაურად და ფატალურად ახდენა იცის.

 

Print E-mail
FaceBook Twitter



მსგავსი სიახლეები
ახალგაზრდა მამაკაცის სამძებრო სამუშაოები
რიონის ხეობაში გრძელდება.
09:28 / 11.04.2021
ახალგაზრდა მამაკაცის სამძებრო სამუშაოები რიონის ხეობაში გრძელდება.
რიონის ხეობაში, მდინარე რიონში მამაკაცი,
სავარაუდოდ, გადახტა.
21:25 / 10.04.2021
რიონის ხეობაში, მდინარე რიონში მამაკაცი, სავარაუდოდ, გადახტა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.