კულტურა
ოჯახური პორტრეტი სიცარიელეში
FaceBook

ყველა ბედნიერი ოჯახი ერთმანეთს ჰგავს, ყოველი უბედური ოჯახი თავისებურადაა უბედური, წერს ლევ ტოლსტოი „ანა კარენინაში“.


„თავისებურად უბედურ“ ოჯახზე ყვება სპექტაკლი „გადაუღებლად წვიმს 13.06...“ რომლის პრემიერა ქუთაისის მესხიშვილის თეატრში გაიმართა (რეჟისორი ლილი ბურბუთაშვილი, პიესა - მაკა კუკულავა).

ოჯახური პორტრეტი ინტერიერში დიდ სცენაზე გათამაშდა.

სპექტაკლის მიხედვით, ცოლ -ქმარი (ენდი ძიძავა, დავით როინიშვილი), რომელთაც ათწლეულების თანაცხოვრება აკავშირებდათ ერთმანეთს დაშორდნენ. ეს მათი ოფიციალურად ურთიერთობის ბოლო დღეა. ცოლ- ქმრის ამპლუის 12 საათი, ბოლო ძაფი, რომელიც ამ საღამოს შემდეგ გაწყდება.

პიესის და სპექტაკლის ავტორებმა იმ მომენტში „შეუსწრეს“ მათ გმირებს, როდესაც ადამიანს წლების განმავლობაში ტაბუდადებულ თემებზე, დამალულ ურთიერთობებზე აღსარებების თქმის და გულახდილი აღიარების იშვიათი სურვილი უჩნდება.


იმ ღამეს ჭეშმარიტების მომენტი დგება ანასა და სანდროს ცხოვრებაში

ყველაზე მართალი დღე თუ ღამე წყვილის ურთიერთობის ისტორიაში, ავთენტური ტკივილით, სიცილით თუ ცრემლით.


ორი ადამიანის მთელი ცხოვრება ერთ საათში უნდა ჩაეტიოს და გათამაშდეს.

ამოცანა რთულია, იმიტომ რომ ეს ისტორია სხვა ისტორიებზე მეტად ითხოვს მხატვრულ და აქტიორულ სიმართლეს დრამატურგიდან, რეჟისორიდან, მსახიობებიდან.


მითუმეტეს რომ პიესაშიც და სპექტაკლშიც მათ გარემო, საგნები, სხვა პერსონაჟები ნაკლებად ეხმარებიან.

სპექტაკლის პერსონაჟები ცარიელ ბინაში არიან ჩაკეტილი.

არაფერი იქცევს ყურადღებას, ვერაფერზე გადაიტან სალაპარაკოს, ვერაფერს დაიხმარ. პერსონაჟებიც და მსახიობებიც სრულიად  განიარაღებულები არიან.


ცარიელი სივრცე მხოლოდ მართალმა და სწორმა ემოციამ უნდა შეავსოს

მაგრამ სპექტაკლში სივრცე ცარიელი რჩება.


„სიმართლის მომენტმა“ დრამატურგის მხრივ უკეთესად ან სხვაგვარად დამუშავებული ხასიათები მოითხოვა. მოითხოვა სათქმელის სიღრმე. მეტი მრავალფეროვნება, რომ ოჯახური პორტრეტი ინტერიერში სრულფასოვნად დახატულიყო. მაგრამ ხსენებულ „მოთხოვნას“ არ მიეცა სათანადო მსვლელობა. სათქმელი ზედაპირზე დარჩა. მინაზე შერჩენილი წვიმის წვეთივით.


სპექტაკლში „გადაუღებლად წვიმს“ მსახიობების თამაშშიც  დეტონაციები შემოდის. ამ „მართალ სპეტაკლს“ კი არც ერთი სიყალბე და აცდენა არ ეპატიება. რადგან აქ სიყალბე ისე ისმის და ისე ჩანს როგორც ელვა გრუხუნებს სპქტაკლში სცენის მიღმა.


„გადაუღებლად წვიმს 13.06...“ არის სპექტაკლი ურთიერთობებზე ამიტომ რა სიბრძნეც არ უნდა თქვან, მოხდენილი ფრაზა თუ რეპლიკა პერსონაჟებმა, მართალი ემოციის გარეშე, იგი მიზანს ასცდება. არავინ დაიჯერებს პერსონაჟების აღიარებებს, მათ წუხილს თუ ტკივილს. არავის გაუჩნდება თანაგრძნობა. მხოლოდ იმაში დაეთანხმებიან, რომ ასეთი ოჯახი, ყალბი ურთიერთობებით, ნამდვილად უნდა დანგრეულიყო.

Print E-mail
FaceBook Twitter
მსგავსი სიახლეები
თეატრებმა, საქართველოში არსებულს სხვა სახელოვნებო და კულტურულ
ორგანიზაციებთან ერთად, ახალი კორონავირუსით გამოწვეულ ინფექციასთან
დაკავშირებული ზოგადი რეკომენდაციები  მიიღეს.
18:42 / 16.06.2020

თეატრებმა, საქართველოში არსებულს სხვა სახელოვნებო და კულტურულ ორგანიზაციებთან ერთად, ახალი კორონავირუსით გამოწვეულ ინფექციასთან დაკავშირებული ზოგადი რეკომენდაციები  მიიღეს.


Საქართევლოს ჯანდაცვისა და კულტურის სამინისტროებმა, დახურულ სივრცეში
ღონისძიების ხანგრძლივობა განსაზღვრეს და სხვა რეკომენდაციებიც
გასცეს.
14:00 / 11.06.2020

Საქართევლოს ჯანდაცვისა და კულტურის სამინისტროებმა, დახურულ სივრცეში ღონისძიების ხანგრძლივობა განსაზღვრეს და სხვა რეკომენდაციებიც გასცეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.