კულტურა
გაიაფებული სილამაზის დრო
FaceBook
რა იყიდება ყველაზე ეფექტურად?

როგორც აღმოჩნდა სილამაზე.

თუმცა არა მხოლოდ სილამაზე იყიდება, არამედ თავად გამყიდველიც ლამაზი უნდა იყოს. ლამაზმა უნდ გაყიდოს სილამაზე ლამაზებისთვის ან სილამაზისთვის.

მოკლედ ასეა თუ ისე „ლამაზი“ ერთ- ერთი პირველი და ზოგჯერ გადამწყვეტი ფაქტორი ხდება ადამიანის შესაფასებლად. ამაზე მიანიშნებს გარემო.

სრულიად მოსალოდნელია, რომ სილამაზის უფრო ზუსტად ულამაზობის გამო არ მიგიღონ სამსახურში, ასეთი შემთხვევებიც ვიცით. ან „არასწორი“ ცხვირის ან თვალის ჭრილის გამო არ ჩაგრიცხონ კონკრეტულ უნივერსიტეტში - არც უამისობა ყოფილა.

ესთეტიკური ფაშიზმი მძლავრობს და დანებებას არ აპირებს. პირიქით, უფრო დიდ სივრცეეებს იპყრობს.

სწორედ მის „დაპყრობილ ტერიტორიაზე“ ხდება მოქმედება სპექტაკლში „მახინჯი“, რომელიც კაუნასის დრამატულმა თეატრმა ქუთაისში წარმოადგინა. სპექტაკლმა სილამაზის ყოვლისშემძლეობაზე გაამახვილებინა ყურადღება ქუთაისელ პუბლიკას. თუმცა ისიც აჩვენა , რომ ყოვლისშემძლე სილამაზემდე გზა რთულია და არც შედეგია ერთმნიშვნელოვანი.

სილამაზე კულტია. კულტები კი მსხვერპლს ითხოვენ, რაც დიდია მსხვერპლი მით მეტია კეთილგანწყობა ესთეტიკის ღმერთებიდან. ღმერთებს ქურუმები ყავთ პლასტიკური ქირურგების სახით. ისინი ძერწავენ ახალ ადამიანებს მსხვერპლის თუ დიდი თანხის ფასად. ანიჭებენ მათ სილამაზეს და ამით უნაწილებენ გარკვეულ ძალაუფლებას.

ამ ძალაუფლების გემოს იგებს სპექტაკლის მთავარი გმირი ლეტე მას შემდეგ, რაც მტკივნეული და სარისკო პლასტიკური ოპერაციის წყალობით „სრულყოფილ“ ადამიანად იქცევა. იგი ყველა მიზანს აღწევს, ერთდროულად რამდენიმე ფრონტზე აღწევს გამარჯვებას. მაგრამ მალე მისი იარაღი მასობრივი მოხმარების ხდება.

სილამაზის კულტი ყველა ეპოქაში იყო, განსხვავებული სტანდარტებით და კრიტერიუმებით, თანამედროვე ეპოქამ ის მოიტანა, რომ სილამაზე ხელმისაწვდომი და მასობრივი გახადა. ლამაზი და სრულყოფილი შეუძლია იყოს  ყველა. ეს აჩენს სახის დაკარგვის და მასაში ადღვების რისკებს.
ლეტეს სილამაზე არ არის ერთადერთი და უნიკალური. კლინიკა ლეტეს გარეგნობის მასობრივ წარმოებაზე გადავიდა. ამან კი სილამაზის ფასი დააგდო. ესეც კანონზომიერია, რადგან ჩვენი საუკუნე გაიაფებული ტურფების დროცაა.

ლიეტუვას თეატრის სპექტაკლი თანამედროვეობას ეხმიანება და იმ პრობლემაზე აპელირებს, რაც ყველა ჩვენთაგანს ცხვირწინ აქვს. თუმცა ცხვირწინ არსებული პრობლემა რომ დაინახო აუცილებელი არაა ცხვირი პალასტიკური ქირურგიით დაიმოკლო.


ფოტო: სულხან გოგოლაშვილი
Print E-mail
FaceBook Twitter
მსგავსი სიახლეები
ყველა ბედნიერი ოჯახი ერთმანეთს
ჰგავს, ყოველი უბედური ოჯახი თავისებურადაა უბედური, წერს ლევ ტოლსტოი
„ანა კარენინაში“.
12:32 / 09.02.2020

ყველა ბედნიერი ოჯახი ერთმანეთს ჰგავს, ყოველი უბედური ოჯახი თავისებურადაა უბედური, წერს ლევ ტოლსტოი „ანა კარენინაში“.


ქუთაისში ახალი თეატრალური
სივრცე შეიქმნა. ახალგაზრდა შემოქმედთა ჯგუფმა ალტერნატიული თეატრი
დააფუძნა და სპექტაკლიც წარმოადგინა.
13:25 / 17.01.2020

ქუთაისში ახალი თეატრალური სივრცე შეიქმნა. ახალგაზრდა შემოქმედთა ჯგუფმა ალტერნატიული თეატრი დააფუძნა და სპექტაკლიც წარმოადგინა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.