ქუთაისიპოსტი

ყოველი დღის მიღმა ათასობით მოვლენა და ადამიანი დგას. წელიწადის თითოეული რიცხვი მრავალ ისტორიას და მოგონებას უკავშირდება.
გთავაზობთ რუბრიკას "რიცხვები და მოვლენები", სადაც წლის ყოველ დღესა და რიცხვში წარსულში მომხდარ სხვადასხვა ფაქტს შეგახსენებთ.

26 თებერვალს მაულიდის დღესასწაულს ანუ წინასწამეტყველ მუჰამედის დაბადების დღეს აღნიშნავენ ისლამურ ქვეყნებში. ამ მოვლენას ზოგიერთ ისლამურ ქვეყანაში მთელი თვის მანძილზე ზეიმობენ. ქალაქებს აფორმებენ სხვადასხვა ამონარიდებით ყურანიდან, ატარებენ შეხვედრებს და მღერიან რელიგიურ სიმღერებს იგივე ნაშიდებს.

სამღერლად არ ქონდათ საქმე თავადებს რუსეთში 1714 წელს. რადგან ამ წლის 26 თებერვალს პეტრე პირველი ბრძანებას გამოცემს, სადაც აღნიშნულია, რომ თავადებს, რომელთაც რიგითებად არ უმსახურიათ გვარდიის პოლკში, არ მიენიჭებათ ოფიცრის წოდება.

დიდგვაროვნებს არც საფრანეთში წაუვიდათ საქმე კარგად 1794 წლის 26 თებერვალს, რადგან საფრანგეთში კონვენტმა დეკრეტი გამოსცა,  რომელიც რევოლუციის მტრებისთვის ქონების ჩამართმევას გულისხმობდა. ხოლო 1848 წლის 26 თებერვალს საფრანგეთში საერთოდ იკრძალება თავადის ტიტული. მოკლედ თებერვალი თავადებისთვის მძიმე დღეა.

26 თებერვალი არც პოლონელებისთვის ყოფილა ტკბილად მოსაგონარი დღე. ამ დღეს ქვეყანა საკუთარი არმიისა და სეიმის გარეშე დაჩა 1832 წლის 26 თებერვალს პოლონეთი რუსეთის შემადგენელი ნაწილი გახდა.

სამაგიეროდ, ამ დღეს გაუმართლა ნაპოლეონს, რომელიც ელბაზე იყო გადასახლებული. მან აქედან გაქცევა მოახერხა. 1815 წლის 26 თებერვალს მოხდა ეს ამბავი.

1917 წლის 26 თებერვალს ჯაზის მოყვარულებსაც გაუმართლათ. ამ დღეს ნიუ -იორკში პირველად ჩაიწერა ჯაზი ფირფიტაზე. სტუდია Vიცტორ ში მოხდა ეს ისტორიული ფაქტი.
ისტორიაში შევიდა 1924 წლის 26 თებერვალიც. ამ დღეს აშშ-ში, არიზონას შტატში ფუძნდება გრანდ-კანიონი.
არ გაუმართლა ჰიტლერს თუმცა, გაუმართლებდა მთელ მსოფლიოს ჰიტლერისთვის უფრო მეტი რომ მიესაჯათ. მას 1924 წელს ხუთი წლით პატიმრობას უსჯიან სახელმწიფო გადატრიალების მცდელობის გამო.

სანამ ჰიტლერი დაიწყებდა ომს, მანამდე ამერიკელმა მაფიოზებმა "ივაჟკაცეს". 1930 წელს კლავენ ამერიკული მაფიის ერთ-ერთ ბოსს, ტომ რეინს.  რის შემდეგაც იწყება ამერიკის ისტორიაში მაფიოზური კლანების ყველაზე მასშტაბური ომი.

26 თებერვალს ჩეხოსლოვაკიიდან საბჭოთა ჯარები გამოდის ქუვეითიდან კი ერაყული, 26 თებერვალი თავისუფლების დღეც აღმოჩნდა.