ქუთაისიპოსტი

ყოველი დღის მიღმა ათასობით მოვლენა და ადამიანი დგას. წელიწადის თითოეული რიცხვი მრავალ ისტორიას და მოგონებას უკავშირდება.
გთავაზობთ რუბრიკას "რიცხვები და მოვლენები", სადაც წლის ყოველ დღესა და რიცხვში წარსულში მომხდარ სხვადასხვა ფაქტს შეგახსენებთ.

25 თებერვალი საქართველოს ისტორიაში ალბათ ყველაზე ტრაგიკული დღეა ბოლო ორი საუკუნის მანძილზე. 1921 წელს რუსეთის საბჭოთა იმპერიამ საქართველოს ოკუპაციით მოსპო და სულ ცოტა ერთი საუკუნით შეაჩერა საქართველოს განვითარება.

25 თებერვალს ინგლისელებსაც შემოსწყრა არა იმდენად ისტორია, რამდენადაც რომის პაპის პიი V. მან ბულა "Regnans in Excelsis»" გამოსცა, სადაც ანათემას გადასცა ინგლისის დედოფალი ელისაბედ I.

მონარქებს საფრანგეთშიც გაუბრაზდნენ - 1848 წელს საფრანგეთის მეორე რესპუბლიკა გამოცხადდა, რამდენიმე წლის შემდეგ, 1856 წლის ასევე 25 თებერვალს, მუშაობა დაიწყო პარიზის კონგრესმა.

მოკლედ, ამდენი რევოლუციებისა და ომების ფონზე სხვა რა უნდა გამოეგონებინა ადამიანს თუ არა და იარაღი, ჰოდა, ამერიკელმა სამუელ კოლტმა აშშ-ში დააპატენდა რევოლვერი კოლტი 1836 წლის 25 თებრვალს.

1945 წლის 25 თებერვალს თურქეთმა მოულოდნელად აღმოაჩინა, რომ მეორე მსოფლიო ომია და სასწრაფოდ გამოუცხადა ომი გერმანიას.

ანათემას მარტო ეკლესია არ გადასცემდა სხვადასხვა პირებს, საბჭოთა ანათემაც არსებობდა. ჰოდა, ამ ანათემაზე არც მეტი არც ნაკლები თავად სტალინი გადასცეს. 1956 წლის 25 თებერვლას სკკპ ცეკას გენერალურმა მდივანმა ნიკიტა ხრუშოვმა კომპარტიის მე-20 სხდომაზე სტალინის კულტის წინააღმდეგ ააგორა კამპანია.

რაც შეეხება, 21 -ე საუკუნეს, ჩვენი ეპოქა 25 თებერვალსაც აფეთქებებით, ხანძრებითა და კატასტროფებით დაფიქსირდა ისტორიაში.