განათლება
სკოლებში კლასის გაყოფის წესი იცვლება
FaceBook
საქართველოს განათლების მინისტრის ახალი ბრძანებით, მომავალი სასწავლო წლიდან, კლასის გაყოფა კომპიუტერულ ტექნოლოგიებში დასაშვები იქნება სამინისტროსთან შეთანხმების გარეშე. ამ დრომდე კლასის გაყოფა „ინფორმაციულ-საკომუნიკაციო ტექნოლოგიებში“ მხოლოდ სამინისტროსთან შეთანხმებით იყო დასაშვები. ამასთან, ზოგადად, კლასის გაყოფა დასაშვებია იმ შემთხვევაში, თუ სკოლას აქვს შესაბამისი ფინანსური შესაძლებლობა.

ბრძანებაში აღნიშნულია, რომ ტექნოლოგიების საგნობრივ ჯგუფს განეკუთვნება: ა) კომპიუტერული ტექნოლოგიები [იგი ისწავლება დაწყებით და საბაზო საფეხურებზე] და ბ) ჭადრაკი [ისწავლება I კლასში].

მინისტრის ახალი ბრძანებით ასევე დაზუსტდა, რომ კლასის „გაყოფა ქართულ ენასა და ლიტერატურაში, ქართულ ენაში [არაქართულენოვანი სკოლებისთვის/სექტორებისთვის] შესაძლებელია იმ შემთხვევაში, თუ კლასში მოსწავლეთა რაოდენობა აღემატება 25-ს, ხოლო უცხოურ ენებში – 20-ს“.

ბრძანებაში ასევე აღნიშნულია, რომ „უცხოურ ენებში დასაშვებია განაყოფები დაკომპლექტდეს მოსწავლეთა ენის ფლობის დონის გათვალისწინებით. რაოდენობრივი შეზღუდვა არ ეხება კომპიუტერულ ტექნოლოგიებს, ასევე ჯგუფებსა და განაყოფებს, რომლებიც დაკომპლექტებულია მეორე უცხოური ენების არჩევანის შესაბამისად.“

არის კიდევ ერთი სიახლე: „თუ მეორე უცხოურ ენაში ერთი კლასის ფარგლებში განსხვავებულ არჩევანს აკეთებს ერთი ან ორი მოსწავლე, რეკომენდებულია მეორე უცხოურ ენაში კლასკომპლექტის შექმნა სხვა პარალელურ კლასთან.“.

„ეროვნული სასწავლო გეგმის დამტკიცების შესახებ“ საქართველოს განათლებისა და მეცნიერების მინისტრის 2016 წლის №40/ნ ბრძანებაში ცვლილებები 2022 წლის 19 აგვისტოს შევიდა.

ახალი ცვლილებით, სასწავლო გეგმას დაემატა საათობრივი ბადე ქართულენოვანი საჯარო სკოლების/სექტორების საშუალო საფეხურისთვის.

მინისტრის ახალი ბრძანების მიხედვით, აღნიშნული საშუალო საფეხურის საათობრივი ბადე X კლასისთვის ამოქმედდება 2022-2023 სასწავლო წლიდან, XI კლასისთვის – 2023-2024 სასწავლო წლიდან, ხოლო XII კლასისთვის – 2024-2025 სასწავლო წლიდან.

Print E-mail
FaceBook Twitter
მსგავსი სიახლეები
ქუთაისის საჯარო სკოლებში საშობაო არდადეგები 30 დეკემბრიდან
დაიწყება.
09:01 / 08.12.2022
ქუთაისის საჯარო სკოლებში საშობაო არდადეგები 30 დეკემბრიდან დაიწყება.
ქუთაისში, აკაკი წერეთლის სახელობის უნივერსიტეტში 100%-იანი
დაფინანსება 13-მა სტუდენტმა, 70%-იანი 39-მა, ხოლო 50%-იანი გრანტი
122-მა სტუდენტმა მოიპოვა.
12:00 / 06.09.2022
ქუთაისში, აკაკი წერეთლის სახელობის უნივერსიტეტში 100%-იანი დაფინანსება 13-მა სტუდენტმა, 70%-იანი 39-მა, ხოლო 50%-იანი გრანტი 122-მა სტუდენტმა მოიპოვა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.