განათლება
პირველკლასელთა რეგისტრაცია იწყება
FaceBook
24 მაისს პირველკლასელთა რეგისტრაცია იწყება.

პირველ კლასში ჩარიცხვის მსურველებისთვის განათლების სამინისტროს სპეციალური ვებგვერდი registration.emis.ge დილის 9:00 საათიდან გაიხსნება.

მოსწავლის რეგისტრაციისთვის საჭირო დოკუმენტები მშობელმა ან კანონიერმა წარმომადგენელმა სკოლაში 2022 წლის 16 ივნისიდან 30 ივნისის ჩათვლით უნდა მიიტანოს, წინააღმდეგ შემთხვევაში რეგისტრაცია ავტომატურად გაუქმდება.


პირველ კლასში ჩასარიცხად წარსადგენი აუცილებელი დოკუმენტების ნუსხა:


მოსწავლის კანონიერი წარმომადგენლის განცხადება, რომელიც უნდა შეიცავდეს კანონიერი წარმომადგენლის საცხოვრებელი ადგილისა და ტელეფონის ნომრის თაობაზე ინფორმაციას.

მოსწავლის დაბადების მოწმობის ან პირადობის დამადასტურებელი დოკუმენტის ასლი ან საქართველოში ბინადრობის დამადასტურებელი დოკუმენტის ასლი (ასეთის არსებობის შემთხვევაში)

კანონიერი წარმომადგენლის პირადობის დამადასტურებელი მოწმობის ასლი ან საქართველოში ბინადრობის დამადასტურებელი დოკუმენტის ასლი (ასეთის არსებობის შემთხვევაში)

დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე

ზოგადი განათლების შესახებ კანონში“ შესული ცვლილების გათვალისწინებით, 2022-2023 სასწავლო წელს პირველ კლასში განხორციელდება იმ ბავშვების ჩარიცხვაც, რომელთაც 6 წელი 1-ელ ოქტომბრამდე უსრულდებათ.

III ეტაპის, საყოველთაო ელექტრონული რეგისტრაციის დასრულების შემდეგ, 4 ივლისიდან 12 ივლისის ჩათვლით, სკოლებში რეგისტრაციის IV ეტაპი დაიწყება. ამ ეტაპზე გამოთავისუფლებულ ვაკანტურ ან დარჩენილ თავისუფალ ადგილებზე დარეგისტრირდებიან ის მოსწავლეები, რომლებიც ვერ დარეგისტრირდნენ I, II და III ეტაპზე, ან რეგისტრაციის შეცვლა სურთ.

რეგისტრაციის პროცესი 15 ივნისს, დღის ბოლოს დასრულდება.
Print E-mail
FaceBook Twitter
მსგავსი სიახლეები
ქუთაისში, ზაფხულში  სამი  მორიგე საბავშვო  ბაღი
იმუშავებს.
16:54 / 23.06.2022
ქუთაისში, ზაფხულში  სამი  მორიგე საბავშვო  ბაღი იმუშავებს.
ქუთაისში, ზაფხულში ორი მორიგე ბაღი იმუშავებს.
11:27 / 14.06.2022
ქუთაისში, ზაფხულში ორი მორიგე ბაღი იმუშავებს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.