განათლება
წერეთლის უნივერსიტეტის 350-მა სტუდენტმა ინტერნეტის არქონის გამო გამოცდა ვერ ჩააბარა
FaceBook
ქუთაისში, აკაკი წერეთლის სახელმწიფო უნივერსიტეტში, მეორე შუალედური გამოცდები ხარვეზებით ჩატარდა.
დისტანციურ რეჟიმში მიმდინარე პროცესში ჩართვა ტექნიკური მიზეზების გამო ყველამ ვერ შეძლო. ინტერნეტთან წვდომის პრობლემის გამო, გამოცდა 350-მა სტუდენტმა ვერ ჩააბარა. იმის მიუხედავად, რომ სტუდენტებისთვის, ვისაც ინტერნეტთან წდომა არ ჰქონდა, უნივერსიტეტის შენობაშივე სპეციალური სივრცე გამოიყო, სადაც მათ გამოცდის ჩაბარების საშუალება ჰქონდათ, სტუდენტების  ნაწილი მაინც პროცესს მიღმა დარჩა. განსაკუთრებით ისინი, ვინც ქალაქიდან გასული იყო და დაბრუნება ვერ მოახერხა.

ნიკა ლომთაძე,  ერთ-ერთია, ვინც დაბალი სიჩქარის  ინტერნეტის გამო გამოცდის  ჩაბარება ვერ შეძლო.

''გამოცდის დროს ქალაქიდან გასული ვიყავი. იქ, სადაც ვიმყოფებოდი ინტერნეტი კარგად არ იჭერდა, რის გამოც,  ვერ მოვახერხე საგამოცდო ნაშრომის დროულად გადაგზავნა'',-ამბობს ნიკა ლომიძე.

თუმცა, უნივერსიტეტი,  ნიკას და დანარჩენ 349 სტუდენტს გამოცდის ჩასაბარებლად მეორე შანსს აძლევს.

უნივერსიტეტის პრორექტორის შალვა კირთაძის თქმით, ხარვეზების მიუხედავად, გამოცდები შედგა. პროცესს ჩამორჩენილ სტუდენტებს კი განმეორებითი შანსი მიეცემათ.

'' სტუდენტების გარკვეული ნაწილი, რეგიონიდან ჩართვას ვერ ახერხებდა, ამის გამო მასალას ვერ ტვირთავდა და ნაშრომსაც ვერ ასრულებდა, უნივერსიტეტმა ასეთ სტუდენტებს ხელმეორედ ჩაბარების შანსი მისცა'',-განაცხადა შალვა კირთაძემ.

განმეორებითი გამოცდა 4 ივნისს დაიწყება. გამოცდები  ფაკულტეტების მიხედვით განაწილდება და 14 ივნისს დასრულდება. უნივერსიტეტში დისტანციური გამოცდები 24 მაისს დაიწყო. ონლაინ რეჟიმში ჩატარდება ფინალური გამოცდაც, რომელიც 15 ივნისიდან დაიწყება.



ამავე თემაზე:

შუალედური გამოცდები ონლაინ - ცოდნის რეალური მაჩვენებელი თუ ფორმალური შეფასება
Print E-mail
FaceBook Twitter
მსგავსი სიახლეები
ქუთაისის საერთაშორისო
უნივერსიტეტმა ერთი წლის დაგვიანებით წელს სტუდენტების პირველი
ნაკადი  მიიღო.
18:02 / 08.09.2020
ქუთაისის საერთაშორისო უნივერსიტეტმა ერთი წლის დაგვიანებით წელს სტუდენტების პირველი ნაკადი  მიიღო.
ქუთაისის საჯარო სკოლები წელს 2
791 პირველკლასელს მიიღებს.
13:45 / 08.09.2020
ქუთაისის საჯარო სკოლები წელს 2 791 პირველკლასელს მიიღებს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.