განათლება
ჯანმრთელობისთვის საზიანო სკოლის მძიმე ჩანთები და განათლების სამინისტროს ახალი ინიციატივა
FaceBook
6 წლის პირველ კლასელებს 7 კგ-იანი სასკოლო ჩანთის ტარება უწევთ. რის გამოც, მოსწავლეები და მშობლები სკოლის ჩანთების მძიმე წონის გამო უკმაყოფილებას გამოთქვამენ. მოსწავლეების ჯანმრთელობაზე ჩანთების სიმძიმის უარყოფით გავლენაზე მიუთითებენ ექიმებიც. განათლების სამინისტროში  განმარტავენ, რომ ახალ ინიციატივაზე მუშაობენ, რომლის მიხედვითაც მოსწავლეებს ელექტრონულ წიგნებს შესთავაზებენ. შესაბამისად,  მოსწავლეები სახელმძღვანელოს სახლში დატოვებას შეძლებენ და სკოლაში ელექტრონული წიგნებს გამოიყენებენ.

ნატალია ბაღიშვილის შვილი ქუთაისის მეცხრე საჯარო სკოლის პირველი კლასის მოსწავლეა, რომელსაც მშობლის თქმით, ყოველდღიურად 7 კგ წონის ჩანთის ტარება უწევს. ამიტომ მშობელმა გამოსავალი მოძებნა და ექვსი წლის ბავშვის ჩანთას თვითონ ატარებს.


მშობლები ქუთაისში შვილების ჩანთებით

"ისეთი მძიმეა ხოლმე ჩანთა მე დამაქვს ბავშის მაგივრად. შვიდ კილოს იწონის და ამაში კიდევ კომპიუტერი არ დევს. ძალიან კმაყოფილი ვიქნები ამ კუთხით თუ რამე შეიცვლება", – ამბობს ნატალია ბაღიშვილი.

ანალოგიურად ფიქრობს ამავე სკოლის მოსწავლის მშობელი, მაია ლომიძე. ნატალიას მსგავსად, ისიც ცხრა წლის შვილის ჩანთის სიმძიმის შემსუბუქებას ყოველდღიურად ცდილობს.

პირველკლასელს დღეში საშუალოდ ოთხი გაკვეთილი აქვს. ჩანთების სიმძიმეს დიდი ზომის წიგნების გარდა სხვა სასკოლო ნივთებიც განაპირობებს, რომლის ტარება მოსწავლეებს თითქმის ყოველდღე მოეთხოვებათ. ესენია: საწერკალამი, ფანქრები, საშლელი, სახაზავი, ე.წ. პენალი, კორექტორი, წებო, საშლელი, სათლელი და ასე შემდეგ. ამის გარდა, თავის მხრივ, ჩანთაც მძიმეა. 

ნევროლოგი, შორენა ხეთერელი ამბობს, რომ პატარა ასაკში დაუშვებელია ბავშვისთვის სიმძიმეები, მათ შორის სასკოლო ჩანთაც. ის ამბობს, რომ დაწყებითი კლასის მოსწავლეებისთვის დაშავები წონა  მაქსიმუმ სამი კილოგრამია. 

"ბავშვებს ზურგის ტკივილი ეწყებათ და ნელ-ნელა სქოლიოზი ვითარდება. თუ სქოლიოზი მესამე-მეოთხე ხარისხისაა, შინაგანი ორგანოები ფუნქციას ვერ ასრულებენ სრულყოფილად. ასე რომ, ეს საკითხი ამ ეტაპზე ცოტა ძნელად გადასაწყვეტია", - ამბობს ექიმი, შორენა ხეთერელი.


"ავწონეთ და 7 კგ-ია. მარტო მართლა ვერ წაიღებს ბავშვი"

საქართველოს მეცნიერებისა და განათლების სამინისტროში ქუთაისიპოსტს განუმარტეს, რომ უწყება ამ მიმართულებით მუშაობს. მათივე თქმით, გატარდა ღონისძიებები. შემუშავდა ახალი ტექნიკური პარამეტრები, განისაზღვრა კომპლექტის აუცილებელი შემადგენლობა, შემუშავდა მშობლებისა და სკოლებისათვის რეკომენდაციები ჩანთის მაქსიმალურ წონასთან დაკავშირებით და საჭიროების შემთხვევაში შესაძლებელია ზოგიერთი სახელმძღანელო დაიყოს ნაწილებად, არაუმეტეს 4 ნაწილად.

სამინისტრო, ასევე, სახელმძღვანელოების ელექტრონულ ფორმატში ხელმისაწვდომობასაც განიხილავს, რაც ნიშნავს იმას, რომ მოსწავლეებისთვის წიგნების სკოლაში ტარება სავალდებულო აღარ იქნება და ისინი ელექტრონული სახელმძღვანელოების გამოყენებას შეძლებენ.
Print E-mail
FaceBook Twitter
მსგავსი სიახლეები
ერთიანი ეროვნული გამოცდებისა და
სტუდენტთა საგრანტო კონკურსის ჩატარების განრიგი ცნობილია.
ინფორმაციას შეფასების და გამოცდების ეროვნული ცენტრი
აქვეყნებს.
17:10 / 10.06.2020

ერთიანი ეროვნული გამოცდებისა და სტუდენტთა საგრანტო კონკურსის ჩატარების განრიგი ცნობილია. ინფორმაციას შეფასების და გამოცდების ეროვნული ცენტრი აქვეყნებს.

ქუთაისში, აკაკი წერეთლის
სახელმწიფო უნივერსიტეტში, მეორე შუალედური გამოცდები ხარვეზებით
ჩატარდა.
09:55 / 04.06.2020
ქუთაისში, აკაკი წერეთლის სახელმწიფო უნივერსიტეტში, მეორე შუალედური გამოცდები ხარვეზებით ჩატარდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.