გამჭვირვალე თვითმმართველობა
სკვერები, ატრაქციონები, ძელსკამები - როგორ ემზადება ქუთაისის მერია საარჩევნოდ
FaceBook
არჩევნებამდე ერთი თვით ადრე, ქუთაისის მერია ამომრჩევლის გულის მოგებას გასართობი და სპორტულ - გამაჯანსაღებელი პროექტებით ცდილობს.

მხოლოდ აგვისტოში, მუნიციპალიტეტმა  9 სკვერის მოწყობა, 7 ატრაქციონის მონტაჟი, 13 სპორტული ტრენაჟორისა და 224 ძელსკამის შეძენა გადაწყვიტა. ყველა ეს პროექტი ბიუჯეტს 1 500 000 ლარი უჯდება.

წინასაარჩევნო პერიოდში მსგავსი პროექტებისთვის თანხის ხარჯვას მოახლოებულ არჩევნებს უკავშირებს ოპოზიცია. ქუთაისის საკრებულოს ფრაქცია "ნაციონალური მოძრაობის" თავმჯდომარე, გიგა შუშანია ამბობს, რომ ქუთაისის მერია ცდილობს საქმის კეთების ილუზია შექმნას.

"რა თქმა უნდა, ეს არის წინასაარჩევნო გათვლა. იციან, რომ ხალხს აღარ სჯერა მათი და ასე ცდილობენ შექმნან განწყობა, რომ ვითომ რამე კეთდება. არჩევნების დასრულების შემდეგ ამ პროექტების უმრავლესობა აღარავის ემახსოვრება, ისევე, როგორც დაივიწყეს ასსაფეხურიანი კიბე, რიონისპირა სახლები და სხვა დაპირებები. ერთადერთი, რაც ამ პროექტებით გაკეთდება, არის ფული, რომელსაც "ქართული ოცნების" წარმომადგენლები გააკეთებენ", - აცხადებს გიგა შუშანია.

ქუთაისის მერიამ, რომელიც ერთ თვეში 1 500 000 ლარს ძელსკამებისა და ტრენაჟორებისთვის ხარჯავს, სამ წელზე მეტია ბიუჯეტში ვერ გამონახა თანხა ბალახვნის ასსაფეხურიანი კიბის რეაბილიტაციისთვის, რომლის დაპირებაც ჯერ კიდევ ყოფილმა მერმა, გიორგი ჭიღვარიამ გასცა. მერია ყოველ წელს პირობას დებს, რომ პროექტს განახორციელებს, თუმცა, წლების შემდეგაც სამუშაოების დასაწყებად ფული არ აქვს.
Print E-mail
FaceBook Twitter
მსგავსი სიახლეები
პანდემიის პირობებში, ქუთაისის მერიის
გადაწყვეტილება, 100 000 ლარი გადაიხადოს ფაშიზმზე გამარჯვების
მონუმენტის ერთ–ერთ ფიგურაში, მისი არასწორი მენეჯმენტის ყველაზე
ნათელი მაგალითია.
13:14 / 30.12.2020
პანდემიის პირობებში, ქუთაისის მერიის გადაწყვეტილება, 100 000 ლარი გადაიხადოს ფაშიზმზე გამარჯვების მონუმენტის ერთ–ერთ ფიგურაში, მისი არასწორი მენეჯმენტის ყველაზე ნათელი მაგალითია.
ქუთაისში  საახალწლო
ნობათის შესაძენად გამოცხადებულ ტენდერში,  ერთი კვირის
დაფუძნებულმა კომპანიამ  გაიმარჯვა.
15:32 / 08.11.2019

ქუთაისში  საახალწლო ნობათის შესაძენად გამოცხადებულ ტენდერში,  ერთი კვირის დაფუძნებულმა კომპანიამ  გაიმარჯვა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.