სოციალურად დაუცველთა დასაქმების პროგრამაში ჩართვით, ქუთაისში მხოლოდ 30 ადამიანი დაინტერესდა
12:28 / 03.03.2022
ქუთაისში, სოციალურად დაუცველთა დასაქმების პროგრამაში ჩართვის სურვილი მხოლოდ 30-მა ადამიანმა გამოთქვა.
პროგრამის ამოქმედებიდან სამი დღის
განმავლობაში, სწორედ ამდენმა მოქალაქემ მიმართა იმერეთის
მომსახურების სააგენტოს. სააგენტო დასაქმების მსურველებს კონსულტაციას
უწევს.
"ჩვენ მოგვმართავენ და
კონსულტაციას ვუწევთ, მათ დასაქმებას კი დასაქმების სააგენტო
ხელმძღვანელობს. უკვე გავუწიეთ კონსულტაცია 30-მდე პირს'',-
ამბობს სოციალური სააგენტოს იმერეთის ცენტრის ხელმძღვანელი ნინო
ჭიღლაძე.
სოციალურად დაუცველების დასაქმება
რამდენიმე სფეროს მიხედვით ხდება: საზოგადოებრივ სფეროში, ღია ბაზარზე
პროფესიული მომზადება/გადამზადება, ასევე, თუ პირი მუშაობს კერძოდ,
მას ოფიციალურად დაარეგისტრირებენ.
იმერეთში სოციალურად დაუცველთა
ბაზაში 56 417 ადამიანია რეგისტრირებული, აქედან ფულად შემწეობას
მხოლოდ 22 730 ოჯახი იღებს.
დასაქმების პროგრამაში ჩასართავად,
ბენეფიციარებმა უნდა მიმართონ სოციალური მომსახურების ან დასაქმების
ხელშეწყობის სახელმწიფო სააგენტოს სერვის ცენტრებს ან დარეკონ
ჯანდაცვის ცხელ ხაზზე: 15 05
პროგრამის ბენეფიციარები 18 წლის და
უფროსი ასაკის შრომისუნარიანი პირები არიან, ვისი ოჯახის სარეიტინგო
ქულა არ აღემატება 120 000-ს და იღებენ მიზნობრივ სოციალურ
დახმარებას.
დასაქმების პროგრამაში ჩართულ პირს,
4 წლის განმავლობაში სოციალურად დაუცველის სტატუსი შეუნარჩუნდება. ამ
პერიოდში მათი სტატუსის გადამოწმება არ მოხდება.
სოციალურად დაუცველი პირის გაწეული
სამსახური 300 ლარით ანაზღაურდება.
დასაქმების ხელშეწყობის სახელმწიფო
სააგენტოში ამ ეტაპზე 14 382 ვაკანსიაა. პრემიერ-მინისტრმა პროგრამაში
20 000 სოციალურად დაუცველის ჩართვა დააანონსა.
პროგრამის ბიუჯეტი 770 000
ლარია.
მსგავსი სიახლეები
15:00 / 09.10.2024
იმერეთის რეგიონმა ბოლო ხუთი წლის განმავლობაში ეკონომიკური
განვითარების პოტენციალი და ასობით სამუშაო ადგილი დაკარგა.
13:20 / 18.10.2023
ქუთაისში, ბოლო ერთ წელში, სოციალურად დაუცველთა ბაზაში
რეგისტრირებულთა რაოდენობამ მოიმატა.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები