წყალტუბოში სანატორიუმ "მეშახტეს" მფლობელი მალტაზე დარეგისტირებული კომპანია გახდა
FaceBook
წყალტუბოში სანატორიუმი "მეშახტე" გასხვისდა.

წყალტუბოს გამგეობიდან მოწოდებული ინფორმაციით, სანატორიუმი ეკონომიკის სამინისტრომ გაასხვისა და ის ყაზახმა ინვესტორმა შეიძინა.

"გამგეობა სანატორიუმის გასხვისებაში არ ჩარეულა, ის სამინისტრომ გაასხვისა და ჩვენი ინფორმციით ყაზახური ინვესტიციით მოხდება მისი რეაბილიტაცია," - განაცხადა წყალტუბოს გამგებელმა, კონსტანტინე მამისეიშვილმა.

ეკონომიკის სამინისტროს მიერ მოწოდებული ინფორმაციით კი, სანატორიუმის ახალი მფლობელი შპს "ქეი ბი ფი თბილისია", რომელმაც ობიექტი პირდაპირი მიყიდვის წესით 2 500 000 დოლარად შეიძინა.

საქართველოს მთავრობის განკარგულებით (#1589, 20.07.2015), რომლსაც ხელს პრემიერ-მინისტრი ირაკლი ღარიბაშვილი აწერს, ინვესტორს ვალდებულება ეკისრება ხელშეკრულების გაფომებიდან 3 წლის განმავლობაში უზრუნველყოს არანაკლებ 100 ნომრიანი, 5 ვარსკვავიანი სასტუმროს მოწყობა.

საჯარო რეესტრის ეროვნული სააგენტოს მონაცემებით, შპს "ქეი ბი ფი თბილისი" 2015 წლის 30 აპრილს დარეგისტრირდა. კომპანიის ხემძღვანელად რეესტრის მიხედვით ზვიად ზვიადაძე ფიქსირდება, ხოლო მისი 100%-იანი წილის მფლობელი მალტაზე დარეგისტრირებული კომპანია "ქიმბერლეი ბეტა ფროფერთი ლიმითედია". კომპანიამ  რეგისტრაცია გასული წლის 28 ოქტომბერს გაიარა.

ინვერსტორი სანატორიუმ "მეშახტეში" სარეაბილიტაციო სამუშაოებს 2016 წლის იანვრიდან დაიწყებს. ამ დროისთვის კი სანატორიუმის ტერიტორია შემოღობილია და მას დაცვის პოლიცია იცავს. 

წყალტუბოში არსეული სანატორიუმებიდან შესაძლოა, მესაკუთრე კიდევ ორ მათგანს გამოუჩნდეს. გამგეობაში აცხადებენ, რომ სანატორიუმები "ივერიასა" და "ცისკარის" შეძენით ებრაელი ინვესტორები არიან დაინტერესებულნი.
Print E-mail
FaceBook Twitter
მსგავსი სიახლეები
უკრაინაში ომის პარალელურად,
საქართველოში ლარის გაუფასურების და პირველად სამომხმარებლო
პროდუქტებზე ფასების ზრდის ტენდენცია გრძელდება.
16:15 / 16.03.2022
უკრაინაში ომის პარალელურად, საქართველოში ლარის გაუფასურების და პირველად სამომხმარებლო პროდუქტებზე ფასების ზრდის ტენდენცია გრძელდება.
ქუთაისში, სოციალურად დაუცველთა დასაქმების პროგრამაში ჩართვის
სურვილი მხოლოდ 30-მა ადამიანმა გამოთქვა.
12:28 / 03.03.2022

ქუთაისში, სოციალურად დაუცველთა დასაქმების პროგრამაში ჩართვის სურვილი მხოლოდ 30-მა ადამიანმა გამოთქვა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.