ახალი ამბები
"ფაიზერის'' ვაქცინა სავარაუდოდ ივნის-ივლისში შემოვა - ირაკლი ღარიბაშვილი
FaceBook
საქართველოში ,,ფაიზერის'' ვაქცინას სავარაუდოდ ივნის-ივლისში შემოიტანენ.
ამის შესახებ საქართველოს პრიემიერ-მინისტრმა ირაკლი ღარიბაშვილმა მთავრობის სხდომაზე განაცხადა.

ღარიბაშვილის თქმით, მთავრობა კორონავირუსის საწინააღმდეგო ვაქცინის მწარმოებლებთან მოლაპარაკებებს აწარმოებს და ვაქცინაციის პროცესში არავითარი შეფერხება იქნება. 

ღარიბაშვილმა "ფაიზერის" ვაქცინის ქვეყანაში შემოტანის სავარაუდო დროც დაასახელა და თქვა, რომ მას ივნის-ივლისში შემოიტანენ.

"ვაქცინების თაობაზე ჩვენ საკმაოდ ეფექტიან და წარმატებულ მოლაპარაკებებს ვაწარმოებთ უშუალოდ მწარმოებლებთან. ერთი არის კოვაქსის პლატფორმა, საიდანაც ჩვენ უკვე დავიწყეთ ვაქცინების მიღება, მეორე არის უშუალოდ მწარმოებლებისგან მიღებული ვაქცინები. ამის თაობაზე რამდენიმე დღეში გვექნება საშუალება, რომ უფრო დეტალური ინფორმაციით წარვდგეთ საზოგადოების წინაშე. უფრო კონკრეტულად რომ გითხრათ, საუბარია "ფაიზერის" დამატებითი ვაქცინების შემოტანაზე ზაფხულში, დაახლოებით, ივნისი-ივლისის თვეში. ჩვენ მილიონ დოზაზე გვაქვს მოლაპარაკება, მეც უშუალოდ ჩართული ვიყავი, "ფაიზერის" პრეზიდენტთან არაერთი სატელეფონო ზარი მქონდა. გვაქვს მოლაპარაკება უშუალოდ ჩინური "სინოფარმის" და "სინოვაკის" ქარხნებთან დამატებითი დოზების მოწოდებასთან დაკავშირებით, "მოდერნასთან", ასევე "ნოვავაქსის" ახალი ვაქცინის შემოტანასთან დაკავშირებით. ძალიან ოპტიმისტურად ვართ განწყობილი, უკვე გვაქვს ხელშეკრულებები მოწერილი და უახლოესი თვეების განმავლობაში ჩვენ დამატებით დოზებს მივიღებთ", - განაცხადა ირაკლი ღარიბაშვილმა.

ვაქცინაციის პროცესი საქართველოში 15 მარტიდან დაიწყო.

პირველ ეტაპზე აცრებში მხოლოდ ჯანდაცვის სფეროს წარმომადგენლები ჩაერთვნენ.

25 მარტიდან ვაქცინაციის პროცესში, სამედიცინო პერსონალთან ერთად 65 წელს ზემოთ ასაკის პირებიც ჩაერთვნენ.

საქართველოში 4 მაისს ჩინური წარმოების ვაქცინა "სინოფარმით" 18 წელს ზევით ასაკის მოქალაქეების ვაქცინაცია დაიწყო. პროცესის სამართავად ქვეყნის მასშტაბით, 30 სამედიცინო პუნქტია მობილიზებული.

საქართველოში ასტრაზენეკას ვაქცინის გაკეთება 45 წლის ასაკიდან შეუძლიათ. ეს გადაწყვეტილება 11 მაისს იმუნიზაციის საბჭოს სხდომაზე მიიღეს.

Print E-mail
FaceBook Twitter



მსგავსი სიახლეები
ბაღდათის მუნიციპალიტეტში, სოფელ დიმში მომხდარ ავტოსაგზაო შემთხვევას
ახალგაზრდა ბიჭის სიცოცხლე ემსახვერპლა.
16:29 / 23.06.2021
ბაღდათის მუნიციპალიტეტში, სოფელ დიმში მომხდარ ავტოსაგზაო შემთხვევას ახალგაზრდა ბიჭის სიცოცხლე ემსახვერპლა.
გელათში არსებული ვითარების შესასწავლად იუნესკოს ექსპერტები
იმყოფებიან.
12:02 / 23.06.2021
გელათში არსებული ვითარების შესასწავლად იუნესკოს ექსპერტები იმყოფებიან.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.