ახალი ამბები
1-ელი თებერვლიდან საქართველოს ყველა ქალაქში საზოგადოებრივი ტრანსპორტის მუშაობის აღდგენას ითხოვენ
FaceBook
არასამთავრობო ორგანიზაციები პირველი თებერვლიდან საქართველოს ყველა ქალაქში საზოგადოებრივი ტრანსპორტის მუშაობის აღდგენას ითხოვენ.

დაავადებათა კონტროლის ცენტრს და ჯანდაცვის სამინისტროს მიმართვა შვიდმა ორგანიზაციამ გაუგზავნა. 

“საქართველოს ალიანსი უსაფრთხო გზებისთვის“,  “თბილისის ველომოყვარულთა კლუბი“, ფონდი “პარტნიორობა საგზაო უსაფრთხოებისთვის“, არასამთავრობო ორგანიზაცია "იარე ფეხით”, “ურბანული ლაბორატორია“, მოძრაობა “ჩემი ქალაქი მკლავს” და “მწვანე პოლუსი" აცხადებენ, რომ საზოგადოებრი ტრანსპორტის მუშაობა   რეგულაციების დაცვით უნდა განახლდეს.

,,საზოგადოებრივი ტრანსპორტის სრული აკრძალვა უდიდესი დარტყმაა მოსახლეობის უღარიბესი ფენისთვის და წარმოადგენს პირდაპირი დისკრიმინაციის მძიმე ფორმას. სახელმწიფო მოქალაქეთა იმ ნაწილს, რომლებიც არ ფლობენ ავტომობილს ეუბნება, რომ არ აინტერესებს და სრულად უგულებელყოფს მის გადაადგილების საჭიროებას. 2016 წელს ჩატარებული თბილისის შინამეურნეობის კვლევის თანახმად შინამეურნეობის 58%-ს არ ყავს ავტომობილი. მისი მფლობელობა იზრდება შემოსავლის პირდაპირპროპორციულად, მაღალია ცენტრალურ უბნებში და დაბალია გარეუბნებში. თვალსაჩინოა “ჩემი ქალაქი მკლავს“ Facebook-გვერდზე ჩატარებული გამოკითხვის შედეგები, რომლის თანახმად, (894 რესპონდენტი) 75% ემხრობა საზოგადოებრივი ტრანსპორტის ამუშავებას. აღსანიშნავია, რომ ეს მიდგომა პირდაპირ წინააღმდეგობაში მოდის თბილისის მერიის მდგრადი ურბანული ტრანსპორტის განვითარების სტრატეგიასთან, ურბანული მობილობის გეგმასთან და იმ სატრანსპორტო პირამიდასთან, რომლის თანახმად, პრიორიტეტი ენიჭება ქვეითს, ველოსიპედს, საზ. ტრანსპორტს და მხოლოდ შემდეგ კერძო ავტომობილს,"- ნათქვამია არასამთავრობოების განცხადებაში. 

28 ნოემბრიდან ქვეყანაში საკარანტინო შეზღუდვები მოქმედებს. რაც გულისხმობს მუნიციპალური ტრანსპორტის შეზღუდვას თბილისში, რუსთავში, ქუთაისში, ბათუმში, გორში, ზუგდიდში, ფოთსა და თელავში; დახურულია სავაჭრო ცენტრები და ბაზრობები.

ჯანდაცვის მინისტრმა ეკატერინე ტიკარაძემ პირველი თებერვლიდან ბაზრობებისა და სავაჭრო ცენტრების გახსნა დაანონსა. რაც შეეხება საზოგადოებრივ ტრანსპორტს. მინისტრის განცხადებით, ამ საკიკთზე მსჯელობა იანვრის ბოლოს გაიმართება.


Print E-mail
FaceBook Twitter



მსგავსი სიახლეები
ქუთაისის მერიას არ აქვს პასუხი, სად არის
ქვები, რომლებიც თეთრ ხიდზე რეკონსტრუქციის შემდეგ უნდა
დაეწყოთ.
18:27 / 25.02.2021
ქუთაისის მერიას არ აქვს პასუხი, სად არის ქვები, რომლებიც თეთრ ხიდზე რეკონსტრუქციის შემდეგ უნდა დაეწყოთ.
რიონის ხეობის
18:04 / 25.02.2021
რიონის ხეობის "მცველები"  23 თებერვალს დაკავებული აქტივისტის გათავისუფლებას ამ წუთებში ელოდებიან.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.