ახალი ამბები
მასწავლებლებსა და მოსწავლეებს 10 ლარად 20 GB მობილურ ინტერნეტპაკეტს შესთავაზებენ
FaceBook
განათლების სამინისტროს ინფორმაციით, ონლაინ სასწავლო პროცესში ჩართულ მასწავლებლებსა და მოსწავლეებს 10 ლარად 20 GB მობილურ ინტერნეტპაკეტს შესთავაზებენ.

სამინისტრომ ამ მობილურ ოპერატორთან - სს „სილქნეტთან“, შპს „მაგთიკომთან“ და შპს „ვიონი საქართველოსთან“ (ბრენდი „ბილაინი“) ურთიერთთანამშრომლობის მემორანდუმს ხელი მოაწერა.

"დისტანციური სწავლების გამოწვევებისა და ტექნიკური საჭიროებების შესაბამისად, ინტერნეტ პროვაიდერები მოსწავლეებსა და მასწავლებლებს 20 GB მობილურ ინტერნეტპაკეტს 10 ლარად შესთავაზებენ, რაც სტანდარტულ ღირებულებასთან შედარებით 2,5-ჯერ ნაკლებია. დარგის ექსპერტების რეკომენდაციით, 20GB საკმარისი ოდენობაა ერთი თვის განმავლობაში ონლაინ გაკვეთილებზე დასასწრებად და ინტერნეტ რესურსების მოსაძიებლად",
- აცხადებენ სამინისტროში.

დისტანციური სწავლებისთვის ინტერნეტის არ ქონა ან და დაბალი სიჩქარე ისევე როგორც სხვა რეგიონებში, პრობლემატურია ქუთაისშიც.

,,წინა წილის ბოლო სემეტრი ფაქტიურად დისტანციურად დავასრულეთ და გამოცდილება გვაქვს ონლაინსწავლების, თუმცა ჯერ კიდევ არის და რჩება გამოწვევები, რაც გულისხმობს როგორც ტექნიკურ ხარვეზებს, ინტერნეტის დაბალ სიჩქარეს, ზოგ შემთხვევაში ტექნიკის არ ქონას,"- ამბობს ქუთაისის რესურსეცნტრის უფროსი მაია ცქიტიშვილი. 

18 იანვარს სასწავლო პროცესი დისტანციურად დაიწყება შემდეგ ქალაქებში: თბილისი, ქუთაისი, რუსთავი, თელავი, ზუგდიდი, ზესტაფონი, გორი, ფოთი, მარნეული და გარდაბანი. აჭარის ავტონომიური რესპუბლიკის ტერიტორიაზე მოქმედი ზოგადსაგანმანათლებლო დაწესებულებები სასწავლო პროცესს ასევე გააგრძელებენ დისტანციურ რეჟიმში.

საჯარო და კერძო სკოლების მოსწავლეები და მასწავლებლები 10 ლარიანი მობილური ინტერნეტ პაკეტით ივნისის ბოლომდე ისარგებლებენ.  ინტერნეტპაკეტის შესაძენად ვებგვერდი https://mobile.emis.ge/ დღეს 14:00 საათზე ამოქმედდება.
Print E-mail
FaceBook Twitter
მსგავსი სიახლეები
ქუთაისის საკრებულოს დეპუტატებმა
14:57 / 26.01.2022
ქუთაისის საკრებულოს დეპუტატებმა "ნაციონალური მოძრაობიდან", სხდომაზე ახალი ფრაქციის შექმნა მოითხოვეს.
ქუთაისის საკრებულოს სხდომა
უკრაინის მხარდამჭერი განცხადებებით დაიწყო.
14:25 / 26.01.2022
ქუთაისის საკრებულოს სხდომა უკრაინის მხარდამჭერი განცხადებებით დაიწყო.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.