ახალი ამბები
,,უახლოეს მომავალში მოსახლეობის აცრა „ფაიზერის“ ვაქცინით იქნება შესაძლებელი" - ეკატერინე ტიკარაძე
FaceBook
ჯანდაცვის მინისტრის, ეკატერინე ტიკარაძის განცხადებით, საქართველოში უახლოეს მომავალში მოსახლეობის აცრა „ფაიზერის“ ვაქცინით გახდება შესაძლებელი.

მომავალ ვაქცინაციაზე მან საქართველოში აშშ-ის ელჩთან შეხვედრისას განაცხადა.

„შეხვედრის მთავარი თემა ვაქცინა იყო. ჩვენ კოვაქს პლატფორმასთან აქტიურად ვთანამშრომლობთ და გვაქვს გარკვეული წინსვლა იმასთან დაკავშირებით, რომ საქართველოში უახლოეს მომავალში მოსახლეობის აცრა „ფაიზერის“ ვაქცინით იქნება შესაძლებელი“ , - განაცხადა ეკატერინე ტიკარაძემ.

ჯანდაცვის მინისტრის მოადგილის, თამარ გაბუნიას განცხადებით, იანვრის ბოლოსთვის საქართველო მზად იქნება პირველი პარტია ვაქცინის მისაღებად, რაც პირველ რიგში, მიმართული იქნება ჯანდაცვის პროფესიონალებისკენ, ხოლო შემდეგ - რისკ-ჯგუფებისკენ.

"დაწესებულება, სადაც მოხდება ვაქცინაცია უნდა იყოს შესაფერისად აღჭურვილი, რომ მართოს ის მოსალოდნელი გვერდითი რეაქციები, რაც ვაქცინაციას თან სდევს. ჩვენს პროტოკოლში ეს ყველაფერი გათვალისწინებულია. ტრეინინგი ჩატარდება და იანვრის ბოლომდე ჩვენ ვაქცნის პირველი პარტიის მისაღებად მზად ვიქნებით, რომელიც მიმართული იქნება ჯანდაცვის პერსონალისკენ. შემდეგ მათ მოჰყვებიან ადამიანები, რომლებიც ასაკში არიან, მაღალი რისკის მატარებლები კოვიდით ინფიცირების შემთხვევაში და შემდეგ ეტაპობრივად ეს გავრცელდება მოსახლეობის სხვა დანარჩენ ჯგუფებზე", - განაცხადა თამარ გაბუნიამ. 

მისივე ინფორმაციით,  ვაქცინა ქვეყნის მოსახლოების 20%-ისთვისაა შეკვეთილი ანუ 700 000 ადამიანისთვის, მაგრამ ვაქცინის დოზაა 1.4 მლნ.

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა.

მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.









Print E-mail
FaceBook Twitter
მსგავსი სიახლეები
სერგეი ლავროვთან დაგეგმილ
შეხვედრამდე ერთი დღით ადრე, აშშ-ის სახელმწიფო მდივანი, ენტონი
ბლინკენი, რუსეთის აგრესიულ პოლიტიკაზე ბერლინში
საუბრობს.
16:10 / 21.01.2022
სერგეი ლავროვთან დაგეგმილ შეხვედრამდე ერთი დღით ადრე, აშშ-ის სახელმწიფო მდივანი, ენტონი ბლინკენი, რუსეთის აგრესიულ პოლიტიკაზე ბერლინში საუბრობს.
ქუთაისში სკოლამდელი აღზრდის დაწესებულებები
 მუშაობას 24 იანვარს განაახლებენ.
13:25 / 21.01.2022
ქუთაისში სკოლამდელი აღზრდის დაწესებულებები  მუშაობას 24 იანვარს განაახლებენ.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.