პოლიტიკა
ქუთაისში, თვითიზოლაციასა და კოვიდსასტუმროებში, 873 ამომრჩეველია რეგისტრირებული
FaceBook

2020-ის 31 ოქტომბრის საპარლამენტო არჩევნებზე, ქუთაისში, თვითიზოლაციასა და კოვიდსასტუმროებში მყოფი 873 ამომრჩეველია რეგისტრირებული.

ეს ის ადამიანები არიან, რომლებმაც გადასატანი ყუთი მოითხოვეს არჩევნებში საკუთარი პოზიციის დასაფიქსირებლად.


ქუთაისის N59-ე საოლქო საარჩევნო კომისიაში განმარატვენ, რომ თვითიზოლაციასა და კარანტინში მყოფი პირების ხმის მიცემის უფლების უზრუნველსაყოფად ექვსი უბანია გახსნილი.

საარჩევნო უბნები მე-2; 30-ე;მე-14; 23-ე ;31-ე და 33-ე საჯარო სკოლებშია გახსნილი.

რაც შეეხება, გადასატანი ყუთის გამყოლ საუბნო საარჩევნო კომისიის წევრებს ისინი სპეცაღჭურვილობით: ხალათებით, ხელთათმანებით, პირბადეებით და ფარებით იმუშავებენ.

კარანტინსა და თვითიზოლაციაში მყოფი პირებისთვის ცესკომ არჩევნებში მონაწილეობის მისაღებად რეგისტრაცია 26 ოქტომბერს, 22:00 საათზე დაასრულა.

იმ პირებს, რომლებიც ვირუსის გამო თვითიზოლაციაში შესაძლოა რეგისტრაციის ვადის ამოწურვის შემდეგ მოხვდნენ, ,,ქუთაისიპოსტს" ცესკო-ში განუცხადეს, რომ ისინი გადასატან ყუთს ვეღარ მოითხოვენ და შესაბამისად, ხმის მიცემის უფლებით ვერ ისარგებლებენ.

2020 საპარლამენტო არჩევნებისთვის ქუთაისში სულ 130 უბანია გახსნილი. აქედან შვიდი სპეც.უბანია: ერთი სასჯელაღსრულების დაწესებულებაში მყოფი პირებისთვის, ექვსი კი თვითიზოლაციასა და კარანტინში მყოფი პირებისთვის. 46 უბანი ადაპტირებულია შეზღუდული შესაძლებლობების მქონე პირების ხმის მიცემის უზრუნველსაყოფად.

საპარლამენტო არჩევნები 31 ოქტომბერს, შერეული სისტემით, ერთპროცენტიანი ბარიერით და ბლოკებით გაიმართება. ქუთაისში მაჟორიტარობის კანდიდატთან ერთად მერსაც ირჩევენ, რადგან არჩეულმა მერმა გიორგი ჭიღვარიამ თანამდებობა საკუთარი სურვილით, ვადაზე ადრე, 2020 წლის 8 აპრილს დატოვა.

ქუთაისში ცესკოს მონაცემებით 155 ათას 10 ამომრჩეველია რეგისტრირებული.

ავტორი: ანა ჯიქია
Print E-mail
FaceBook Twitter



მსგავსი სიახლეები
არჩევნების მეორე ტური მშვიდ ვითარებაში
მიმდინარეობს ზესტაფონის, ტყიბულის, თერჯოლისა და ბაღდათის
გაერთიანებულ ოლქში.
11:10 / 21.11.2020
არჩევნების მეორე ტური მშვიდ ვითარებაში მიმდინარეობს ზესტაფონის, ტყიბულის, თერჯოლისა და ბაღდათის გაერთიანებულ ოლქში.
ხვალ ქვეყნის 17 მაჟორიტარულ ოლქში საპარლამენტო
არჩევნების მეორე ტური გაიმართება.
10:40 / 20.11.2020
ხვალ ქვეყნის 17 მაჟორიტარულ ოლქში საპარლამენტო არჩევნების მეორე ტური გაიმართება.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.