ახალი ამბები
COVID-19-ით ინფიცირებული პაციენტებისთვის იმერეთში 700 საწოლია გათვალისწინებული
FaceBook
კორონავირუსით ინფიცირებული პაციენტებისათვის იმერეთის კოვიდკლინილებში 700 საწოლია განკუთვნილი.

ამის შესახებ ჯანდაცვის მინისტრმა ეკატერინე ტიკარაძემ იმერეთის რეგიონის პირველადი ჯანდაცვის  წარმომადგენლებთან შეხვედრისას  განაცხადა.

მინისტრის  ინფორმაციით, რეგიონში დამატებითი შეზღუდვების დაწესება არ იგეგმება.

,,ვთვლით, რომ იმერეთში აჭარაში მიღებული პრაქტიკიდან გამომდინარე სიტუაცია იქნება ბევრად უფრო კონტროლირებადია. იმერეთში მობილიზებულია 700-მდე საწოლი, რომელიც არამხოლოდ ქუთაისშია, არამედ  სხვა მუნიციპალიტეტებშიც. საწოლფონდი ამ ეტაპისთვის არის საკმარისი. ჩვენ უკვე დავნერგეთ და ძალიან წარმატებულად აჭარაში ბინაზე ვირუსის მართვის პრაქტიკა ჩართულები არიან ოჯახის ექიმები."

კორონავირუსით ინფიცირებული პაციენტების მკურნალობის პროცესში ქუთაისში ასევე ორი ონლაინ კლინიკა ფუნქციონირებს. მინისტრის განცხადებით, ვირუსის სამართავად ამ ეტაპზე სხვა კლინიკების დამატება არ იგეგმება.

28 სექტემბერს იმერეთში კორონავირუსით ინფიცირების 38 ახალი შემთხვევა გამოვლინდა.

ქუთაისის  ახალ ინფექციურ კლინიკას კორონავირუსით ინფიცირებული 7 პაციენტი დაემატა, ხოლო 4 გამოჯანმრთელდა.
კლინიკის სამედიცინო დირექტორის ნოდარ მაღლაფერიძის განმარტებით, კლინიკაში 48 კოვიდდადებითი გადის მკურნალობას, მათგან ორი პაციენტი კრიტიკულად მძიმეა.

“კლინიკა ბომონდი”-ს კოვიდცენტრი კი ორმა გამოჯანმრთელებულმა დატოვა. ორივე გამოჯანმრთელებული არასრულწლოვანია. ამ დრომდე კლინიკაში კორონავირუსი 6-მა პაციენტმა დაამარცხა. აქედან სამი ბავშვი, ერთი ორსული და ორი ზრდასრული პაციენტია. კოვიდკლინიკაში დადასტურებული კოვიდ 19-ით მკურნალობის კურსს 95 პაციენტი აგრძელებს. უახლოეს დღეებში მედიკოსები კიდევ რამდენიმე პაციენტის გამოჯანმრთელებას ელოდებიან.

ავტორი: ანა ჯიქია
Print E-mail
FaceBook Twitter



მსგავსი სიახლეები
საქართველოს ჯანდაცვის მინისტრის,
ეკატერინე ტიკარაძის თქმით, საცხობები და საკონდიტროები საკოორდინაციო
საბჭოს მიერ დამტკიცებულ შეზღუდვების სიაში არ შედიან.
16:20 / 26.11.2020
საქართველოს ჯანდაცვის მინისტრის, ეკატერინე ტიკარაძის თქმით, საცხობები და საკონდიტროები საკოორდინაციო საბჭოს მიერ დამტკიცებულ შეზღუდვების სიაში არ შედიან.

დასაქმებულები, რომლებმაც სამსახური
დაკარგეს, 6 თვის განმავლობაში 200 ლარიან კომპენსაციას
მიიღებენ.
15:40 / 26.11.2020

დასაქმებულები, რომლებმაც სამსახური დაკარგეს, 6 თვის განმავლობაში 200 ლარიან კომპენსაციას მიიღებენ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.