კორონავირუსი
ქუთაისში პირველი საკარანტინე სივრცე გაიხსნება
FaceBook
ქუთაისში კორონავირუსით ინფიცირებულებთან კონტაქტში მყოფი ადამიანებისთვის საკარანტინე ზონა გაიხსნება.

იმერეთის გუბერნატორის, ზვიად შალამბერიძის ინფორმაციით, მოქალაქეებს სასტუმრო "არგო" მიიღებს. სასტუმრო მუშაობას ხვალიდან დაიწყებს.

ქუთაისში ბოლო 24 საათში კორონავირუსი 16 ადამიანს დაუდგინდა.

გამოვლენილ პაციენტთა უმრავლესობა კვლავ 32-ე საჯარო სკოლის კლასტერს უკავშირდება, სადაც ვირუსი ერთდროულად 21 პედაგოგს დაუდგინდა. გუბერნატორის თქმით, გრძელდება ინფიცირებულთა კონტაქტების კვლევა მათი დაინფიცირების წყაროს დადგენის მიზნით.

გასული დღე-ღამის განმავლობაში იმერეთში სულ 1226 ადამიანი გამოიკვლიეს.

მეორე დღეა ქუთაისში აღარ მუშაობს საველე ლაბორატორია, სადაც კორონავირუსზე უფასო ტესტირება ტარდებოდა. ადგილობრივი თვითმმართველობის ინფორმაციით, აქამდე დაინფიცირებული ყველა პირის კონტაქტები დადგენილლია და საველე ლაბორატორიის ფუნქციონირება ამ ეტაპზე საჭირო არ არის.

საქართველოში დღეს კორონავირუსის 179 შემთხვევა დადასტურდა.



ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

Print E-mail
FaceBook Twitter



მსგავსი სიახლეები
საქართველოში ყოველდღიურად იზრდება
კოვიდინფიცირებულთა რაოდენობა.
18:40 / 27.11.2020
საქართველოში ყოველდღიურად იზრდება კოვიდინფიცირებულთა რაოდენობა.
ქუთაისის მერს სოსო ხახალეიშვილს ახალი კორონავირუსი დაუდასტურდა.
18:00 / 27.11.2020
ქუთაისის მერს სოსო ხახალეიშვილს ახალი კორონავირუსი დაუდასტურდა.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.