ახალი ამბები
ქუთაისში კორონავირუსზე უფასო ტესტირება 300-ზე მეტმა ადამიანმა ჩაიტარა
FaceBook
ქუთაისში, საველე ლაბორატორიაში, სადაც უფასო პისიარ ტესტირება ტარდება, დილიდან რიგებია.

მოქალაქეები კორონავირუსზე ანალიზის აღებას ითხოვენ. კარავთან დილიდან იმყოფება დაავადებათა კონტროლის ეროვნული ცენტრის იმერეთის სამმართველოს უფროსი გოჩა გიორგიძე. მისი თქმით, მართალია, ტესტირება უფასოა, მაგრამ თუ გამოკვლევის მსურველებს არ ჰქონდათ კონტაქტი რომელიმე ცნობილ კლასტერთან, ტესტის ჩატარება საჭირო არ არის.

"მიმართვიანობა საკმაოდ მაღალია. მთავარია ადამიანებმა სწორად განსზღვრონ კვლევის საჭიროება, რადგან არ არის აუცილებელი ნებისმიერი ადამიანი იყოს ტესტირებული, ვისაც ამის საჭიროება არ აქვს. ძირითადად,
ის უსიმპტომო პაციენტები გვაინტერესებს, ვისაც ჰქონდა კონტაქტი დადასტურებულ შემთხვევებთან, ან იმოგზაურეს, მაგალითად ინფიცირებულ პედაგოგებთან ერთად აჭარის რეგიონში, ასევე, ის ადამიანები, რომლებმაც აჭარაში იმოგზაურეს და ჰქონდათ ურთიერთობა ცნობილ კლასტერებთან - ეს არის "დონას" და "ოაზისის" კლასტერი, ან იმყოფებოდნენ თბილისში რესტორან "მრავალჟამიერში".

ჩვენ აქ მოსულ ყველა ადამიანს ვეკითხებით მათი კონტაქტების შესახებ. თუ მათ არ აქვთ კავშირი ცნობილ კლასტერებთან, რა თქმა უნდა რესუსრის არამიზნობრივად გამოყენება არ არის სწორი", - განაცხადა გოჩა გიორგიძემ.

ქუთაისის ცენტრში საველე კარავი, სადაც კორონავირუსზე უფასო ტესტირება ტარდება, გუშინ დაიდგა. გამოკვლევა უკვე 300-ზე მეტმა ადამიანმა ჩაიტარა.

დღეს, საქართველოში კორონავირუსის  რეკორდული მაჩვენებლი 158 დადასტურებლი შემთხვევა დაფიქსირდა.
Print E-mail
FaceBook Twitter



მსგავსი სიახლეები
საქართველოში ყოველდღიურად იზრდება
კოვიდინფიცირებულთა რაოდენობა.
18:40 / 27.11.2020
საქართველოში ყოველდღიურად იზრდება კოვიდინფიცირებულთა რაოდენობა.
ქუთაისის მერს სოსო ხახალეიშვილს ახალი კორონავირუსი დაუდასტურდა.
18:00 / 27.11.2020
ქუთაისის მერს სოსო ხახალეიშვილს ახალი კორონავირუსი დაუდასტურდა.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.