კორონავირუსის მატარებელი პაციენტების სწრაფად იდენტიფიცირებისთვის, ქუთაისში ცხელების ცენტრი შეიქმნება.
პაციენტებს „ო.ჩხობაძის ინვალიდთა და ხანდაზმულთა კლინიკური ცენტრი მიიღებს. მიმღები ცენტრი დღეს იმერეთის გუბერნატორმა, ზვიად შალაბერიძემ ტელეკომპანია "მაესტროს" ეთერში დაასახელა.
მისი თქმით, ცენტრში მისვლა ტემპერატურის მქონე ყველა ადამიანს შეეძლება. კორონავირუსისთვის დამახასიათებლი სიმპტომების აღმოჩენის შემთხვევაში კი პაციენტს პირდაპირ კლინიკაში გადაიყვანენ.
დაავადებათა კონტროლის ეროვნული ცენტრის იმერთის სამმართველოს უფროსი,
გოჩა გიორგიძე ქუთაისიპოსტთან საუბარში ამბობდა, რომ ამის საჭიროება
ქვეყანაში შიდა გადაცემის ფაქტების დაფიქსირების შემთხვევაში
დადგებოდა, როცა, დაინფიცირების პირველწყაროს დადგენა შეუძლებელი
იქნებოდა.
ქუთაისში კორონავირუსის დიაგნოზით სამი პაციენტი მკურნალობს.
ბოლო მონაცემებით, საქართველოში კორონავირუსის 110 შეთხვევაა
დაფიქსირებული. მათგან 21 უკვე გამოჯანმრთელდა. კარანტინის
რეჟიმშია 4995 ადამიანი, ხოლო სტაციონარში 278 პირი.
მასალის გამოყენების პირობები