კორონავირუსი
ქუთაისელი ემიგრანტის ცხოვრება კარანტინში (ვიდეო)
FaceBook

გიორგი (სახელი შეცვლილია) 17 მარტს შესრულებული პარიზი-თბილისის რეისის ერთ-ერთი მგზავრია.


ქართველი ემიგრანტი საფრანგეთში ორი წელია ცხოვრობს. ლტოლვილის სტატუსი აქვს და მუშაობს. ახალი კორონავირუსი მის სამშობლოში დააბრუნებას აჩქარებს.

 


"16 მარტს დავჯავშნე ბილეთი, ამ დროს პარიზში უკვე კორონავირუსით გამოწვეული შიში აშკარაა. ეიფელის კოშკთან, სადაც ადრე უამრავი ხალხი იკრიბებოდა, ახლა ძალიან ცოტას თუ ნახავდით. ვინც ამ დროს ქუჩებში დადიოდა, ყველას ხელთათმანი და პირბადე ეკეთა’’.


საფრანგეთის დედაქალაქში საზოგადოებრივი ტრანსპორტით უკვე ცოტა ხალხი სარგებლობს. მგზავრები შორი-შორს სხდებიან. სამაგიეროდ, აეროპორტია ხალხით სავსე. ყველა შინ ბრუნდება.


“ყველას ერთი სურვილი აერთიანებდა იმ მომენტში, ქართველსაც და უცხოელსაც, მალე გაფრენილიყო პარიზიდან. ჩვენს რეისზე 180 ადამიანს უნდა გვემგზავრა, ყველა მგზავრს ბორტზე ასვლამდე სიცხე გაგვიზომეს. თვითმფრინავში რომ ავედით, ბორტგამცილებლები სპეციალური ეკიპირებით დაგვხვდნენ, თუმცა ამ ფაქტს ჩვენში პანიკა არ გამოუწვევია. ყველამ კარგად ვიცოდით, რა საფრთხის წინაშე ვიდექით’’.


მგზავრებს აფრთხილებენ,რომ საქართველოში ორკვირიანი კარანტინი ელით. ფაქტს არავინ აპროტესტებს. იციან, ეს მათი და სხვისი ჯანმრთელობისთვის აუცილებლია.

საპატრულო ეკიპაჟს და მედ-პერსონალს გიორგი და მასთან ერთად ჩამოფრენილი 40 მგზავრი გორის სამხედრო ჰოსპიტალში გადჰყავს. დანარჩენებს სხვაგან ანაწილებენ.

“გორში, დღეში 6-7ჯერ, სპეციალური ეკიპირებით ექიმები ტემპერატურას გვიზომავდნენ. ჩაყვანის დღიდან, ერთმანეთისგან იზოლირებულები ვიყავით. რომ დარწმუნდნენ არაფერი სახიფათო არ იყო, ორი დღის შემდეგ მითხრეს, ან თვითიზოლაციაში უნდა გადავსულიყავი ან საირმის საკარანტინო სივრცეში. მერჩია საირმეში წასვლა, რადგან იმ ადამიანების მეთვალყურეობის ქვეშ ვიქნებოდი, ვინც პროფესიონალია. მეც დაცული ვიქნებოდი და ჩემი ახლობლებიც’’.



საირმეში კარანტინის წესებს ხელახლა უხსნიან. პასპორტებს ადმინისტრაციაში ატოვებინებენ და სათითაოდ ანაწილებენ ნომრებში. ახლობლებს სიტყვა კარანტინიც კი აშფოთებთ. გიორგის ტელეფონზე ყოველდღიურად სულ უფრო მეტი ზარი შედის.


“რეალობა სულ სხვაა.საირმეში მე ვარ ჩვეულებრივ სასტუმროს ნომერში, მაქვს ის ყველაფერი, რაც ნომერში უნდა ჰქონდეს ადამიანს. მაქვს ტელევიზორი, ინტერნეტი, გათბობა, პირველადი მოხმარების ყველა ნივთი, ყავა, ჩაი, წყალი, სამაჯერადი კვება, სისუფთავე, ყოველდღე სხვადასხვა მენიუ. ვერც კი ვიფიქრებდი, თუ კარანტინი ასეთი შეიძლებოდა ყოფილიყო. ერთადერთი შეზღუდვა ის არის, რომ გარეთ გასვლა, ჩემივე უსაფრთხოებისთვის, არ შეიძლება”

აივნიდან მეზობელს ესაუბრება. ვერ ხედავს, კარანტინელი მეგობრის მხოლოდ ხმა ესმის. ფილმებს არ უყურებს, მთელი დღე ახალ ამბებს ეთმობა. იზოლაციაში ყოფნა მხოლოდ იმიტომ უჭირს, რომ სულ რამდნეიმე კილომეტრი აშორებს ორი წლის უნახავ ოჯახს.

საირმის საკარანტინო სივრცეს ოთხ დღეში დატოვებს. უცხოეთში წასვლას აღარ გეგმავს, იმედი აქვს, სამუშაოს მშობლიურ ქუთაისში იშოვის. ურჩევნია ნაკლებ ხელფასი ჰქონდეს და ახლობლებთან ერთად იყოს. ჯერ ლტოლვილობამ და მერე იზოლაციამ მათი ფასი კიდევ უფრო მეტად აგრძნობინა.

Print E-mail
FaceBook Twitter
მსგავსი სიახლეები
საქართველოში კორონავირუსით ინფიცირების 1942 ახალი შემთხვევა
დაფიქსირდა, გარდაიცვალა კიდევ 46 პაციენტი.
10:52 / 25.10.2021
საქართველოში კორონავირუსით ინფიცირების 1942 ახალი შემთხვევა დაფიქსირდა, გარდაიცვალა კიდევ 46 პაციენტი.
მსოფლიოში კორონავირუსის პანდემიის
დაწყებიდან დღემდე 4.96 ადამიანი გარდაიცვალა.
09:16 / 25.10.2021
მსოფლიოში კორონავირუსის პანდემიის დაწყებიდან დღემდე 4.96 ადამიანი გარდაიცვალა.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.