ისვე, როგორც მთელ ქვეყანაში, ქუთაისშიც, კორონავირუსის გამო შეცვლილი რეალობა განსაკუთრებით შესამჩნევი საგანგებო მდგომარეობის გამოცხადების შემდეგ გახდა.
თუ აქამდე ადამიანების სიფრთხილეზე საზოგადოებრივ ტრანსპორტში მგზავრთა ნაკადის უმნიშვნელო შემცირება მიუთითებდა, მეორე დღეა ახალი რეალობა დაეტყო ქუჩებსაც. ქალაქში, გარდა სასიცოცხლოდ მნიშვნელოვანი ობიექტებისა, დაკეტილია ყველა დაწესებულება, აკრძალულია საქალაქო მიკროავტობუსების გადაადგილება. სასურსათო მაღაზიებში, ბანკებსა და აფთიაქებში მომხმარებლებს შეზღუდული რაოდენობით უშვებენ. ქალაქის ქუჩები თითქმის ცარიელია.
ადამიანები ცხოვრების ახალ წესს ნელ–ნელა
ეჩვევიან, რაც ძირითადად, სახლში ყოფნას, გარეთ გასვლის
შემთხვევაში კი პირბადითა და რეზინის ხელთათმანით აღჭურვას
გულისხმობს. ამას ემატება ნებისმიერ დაწესებულებაში შესვლამდე ხელის
დეზინფექცია და სოციალური დისტანცია რიგში ჩადგომის დროს.
რიგები მაღაზიებთან, აფთიაქებთან და ბანკებთან
მასალის გამოყენების პირობები