ქუთაისიპოსტი

სამკერვალო ფაბრიკა  „იმერი“ ერთ–ერთია იმ დაწესებულებებს შორის, სადაც  სამუშაო პროცესი არ შეჩერებულა.

გადაერთვება თუ არა „იმერი“ სამედიცინო ნიღბების შეკერვის პროცესზე, ეს მომავალ კვირაში გაირკვევა. მანამდე საწარმოში დასაქმებულები ჩვეულებრივ რეჟიმში მუშაობენ. მაია სიმონიძე ამბობს, რომ ეს მათი სურვილია, რადგან საწარმოში ანაზღაურება შესრულებული სამუშაოს მიხედვით გაიცემა.  იმ შემთხვევაში თუ რომელიმე თანამშრომელი, შექმნილი ვითარების გათვალისწინებით, უარს იტყვის მუშაობაზე, მათთვის გაცდენილი საათების ანაზღაურების საკითხი გარკვეული არ არის.

„ჩვენი ფაბრიკა არის გამომუშავებაზე და იცით რა დარტყმა არის ეს თანამშრომლებისთვის. ამიტომ, ჯერ არ ვიცით როგორ იქნება ეს საკითხი. შევკრიბეთ, ვკითხეთ რა განწყობა ჰქონდათ. აქვთ იმის შიში, რომ მოუწევთ გაჩერება და უნდათ მუშაობა. ჯერჯერობით ვმუშაობთ  და ველოდებით მთავრობის განკარგულებას. მუშაობის აკრძალვა სწორედ იმ მიზეზით არ შეგვხებია, რომ შესაძლოა ჩვენთან დაიწყოს პირბადეების კერვა. თუკი საგანგებო სიტუცია არ გამოცხადდება, შეიძლება სამშაბათიდან დავიწყოთ", –ამბობს მაია სიმონიძე.


საქართველოში კორონავირუსის გავრცელების პარალელურად, რამდენიმე დღეში შეიქმნა სამედიცინო ნიღბების დეფიციტი შეიქმნა. აფთიაქებში ამოწურულია ანტისეპტიკური და ანტიბაქტერიული საშუალებების მარაგიც.