ახალი ამბები
გოგი წულაია - ზღაპრებს არ ვაკადრებ ჩემს ქალაქს
FaceBook
"გაერთიანებული ოპოზიციის" ქუთაისის #49 ოლქის მაჟორიტარი დეპუტატობის კანდიდატად გოგი წულაია ოფიციალურად წარადგინეს.

მაჟორიტარობის კანდიდატი "ქუთაისიპოსტთან" საუბარში აცხადებს, რომ ამომრჩეველის მხარდაჭერის იმედი აქვს.

"გამარჯვების იმედი მაქვს, რადგან ქუთაისისთვის ბრძოლა დღეს არ დამიწყია და მე მიცნობს მოსახლეობა. თანამდებობის ცვალებადობის მიუხედავად, არ წავსულვარ არსად, მუდამ ჩემს ქალაქს ვემსახურები. გამარჯვების შემთხვევაში, ზღაპრებს არ ვაკადრებ ჩემს ქალაქს, უბრალოდ ყველაფერს გავაკეთებ იმისთვის, რომ ქუთაისს ჰქონდეს ფუნქცია," - აცხადებს წულაია.

იგი პარტია "თავისუფალი საქართველოს" ქუთაისის ოფისის ხელმძღვანელია.

წულაია მაჟორიტარი დეპუტატობის მანდატის მოსაპოვებლად 2016 წლის საპარლამენტო არჩევნებში "გაერთიანებული ოპოზიციის" სახელით იბრძოლებს.

"გაერთიანებული ოპოზიციის" ბლოკში ექვსი პარტია - დავით თარხან-მოურავის "საქართველოს პატრიოტთა ალიანსი", კონსტანტინე გამსახურდიას "თავისუფლება", კახა კუკავას "თავისუფალი საქართველო", აკაკი ასათიანის "საქართველოს ტრადიციონალისტთა კავშირი", გოჩა ჯოჯუას "ახალი ქრისტიან-დემოკრატები" და გია ბერძენიძის "ძალოვან ვეტერანთა და პატრიოტთა პოლიტიკური მოძრაობა" გაერთიანდა.

საქართველოში საპარლამენტო არჩევნები 2016 წლის 8 ოქტომბერს გაიმართება.

Print E-mail
FaceBook Twitter
მსგავსი სიახლეები
ქუთაისის მაჟორიტარობისთვის კიდევ ერთი
კანდიდატი იბრძოლებს.
11:06 / 27.09.2020
ქუთაისის მაჟორიტარობისთვის კიდევ ერთი კანდიდატი იბრძოლებს.
ქართულ-აფხაზური

კონფლქტის დაწყებიდან
28 წელი, სოხუმის დაცემიდან კი 27 წელი გავიდა.
10:40 / 27.09.2020
ქართულ-აფხაზური კონფლქტის დაწყებიდან 28 წელი, სოხუმის დაცემიდან კი 27 წელი გავიდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.