საზოგადოება
ქუთაისის განვითარებას სტრატეგიული გეგმის შემუშავებაში ხედავენ
FaceBook
ჰაინრიჰ ბიოლის ფონდის სამხრეთ კავკასიის რეგიონული ბიუროს ორგანიზებით მორიგი საჯარო დისკუსია გაიმართა თემაზე "ქალაქის მომავალი".
როგორ იგეგმება და ვითარდება ქალაქი? როგორ უნდა გადაიჭრას დღევანდელი პრობლემები და როგორ აისახება ეს საბოლოოდ ქალაქის იერსახეზე? როგორია ქალაქის მომავალი? აღნიშნულ კითხვებზე პასუხების გაცემას შეეცადნენ მომხსენებლები:  ქუთაისის მერიის ეკონომიკური განვითარებისა და ადგილობრივი თვითმმართველობის ქონების მართვის სამსახურის უფროსი პაატა კლდიაშვილი; არქიტექტორი, სამშენებლო-საპროექტო კომპანია "ხუროს" ხელმძღვანელი დავით მელქაძე;  არქიტექტორი ზურაბ ბაქრაძე. შეხვედრას მოდერაციას ჟურნალისტი ქეთი ბერძენიშვილი უწევდა.
შეხვედრაზე გაჟღერდა რამდენიმე მოსაზრება იმის თაობაზე, რომ ეკონომიკური განვითარება ეწინააღმდეგება კულტურული მემკვიდრეობის დაცვას ,იგივე ურბანულ განვითარებას, არქიტექტურული იერსახის შენარჩუნებას. თუმცა ამ მოსაზრების პასუხად ითქვა, რომ "შეგვიძლია მოვიყვანოთ უამრავი ქალაქის მაგალითი,  სადაც ეკონომიკური განვითარებაც მაღალ დონეზეა მიღწეული დ ა ასევე,  მაღალ დონეზეა დაცული არქიტექტურული მხარე, კულტურული მემკვიდრეობა, ეკოლოგია და ა.შ", - აღნიშნა პაატა კლდიაშვილმა.
შეხვედრაზე აქცენტირდა სხვა მოსაზრებაც, რომ თითქოს ასეთი მძიმე სოციალური პრობლემების გამო რაც ქუთაისს უდგას, მეორე პლანზე გადადის ქალაქის განვითარების გრძელვადიანი გეგმები. 
" ქალაქი  ვერ განვითარდება დღეს თუკი არ ვიფიქრებთ ხვალინდელ დღეზე. თუკი ჩვენ დღესაც უარს ვიტყვით გრძელვადიანი ხედვების ჩამოყალიბებაზე, ჩვენ ისევ შეგვინარჩუნდება იგივე სოციალური თუ იერსახის პრობლემები, მაინც ვერ წავალთ წინ. ამიტომ, მაქსიმალურად უნდა მივაპყროთ გრძელვადიანი გეგმის შემუშავებას ყურადღება, ",  - აღინიშნა შეხვედრაზე.
ქალაქს უნდა ქონდეს სტრატეგიული განვითარების გეგმა, აღნიშნეს დისკუსიის მონაწილეებმა, ვერც ერთმა ხელისუფლებამ ვერ შეძლო განვითარების გეგმის შემუშავება. შესაბამისად, ინვერსტორები ვერ იღებენ ვერანაირ ინფორმაციას, თუ საით მიდი ქალაქი, ეს კი შეაფერხებს ინვესტიციების მოზიდვას და ქალაქის განვითარებას და კიდევ უფრო ბუნდოვანს გახდის ქალაქის მომავალს -  აღინიშნა შეხვედრაზე. "პრალელურ რეჟიმში უდნა მომზადდეს, ეკონომიკური განვითარების სტრატეგია და ურბანული განვითარების გეგმა," - ითქვა დისკუსიაზე.
შეხვედრაზე გაჟღერდა, რომ ქუთაისის მერიაში ქალქაის განვითარების გეგმაზე მუშაობა მიმდინარეობს და რამდენიმე თვეში სამუშაო ვერსია მზად იქნება.

ეკა კუხალაშვილი
Print E-mail
FaceBook Twitter



მსგავსი სიახლეები
„ბოროტების ტრიუმფისთვის ერთადერთი რამ არის საჭირო : რომ
კარგმა ადამიანმა არაფერი აკეთოს“
15:27 / 10.03.2021
„ბოროტების ტრიუმფისთვის ერთადერთი რამ არის საჭირო : რომ კარგმა ადამიანმა არაფერი აკეთოს“
თუ თქვენ საინტერესო ამბების და
ადამიანების ისტორიების მოსმენა გიყვართ,
16:04 / 23.02.2021
თუ თქვენ საინტერესო ამბების და ადამიანების ისტორიების მოსმენა გიყვართ,

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.