საზოგადოება
რა ღირს სიკვდილი - დასაფლავების ფასები ქუთაისში
FaceBook
ქუთაისის საქალაქო სასაფლაოებზე, დასაფლავებისთვის საჭირო მიწებზე, ფასები განსხვავებულია.
მიწებზე მაქსიმალური და მინიმალური ღირებულება ადგილის პრესტიჟულობით განისაზღვრება, ხოლო არჩევანი ჭირისუფალის ფინანსური შესაძლებლობებაზეა დამოკიდებული.
ქუთაისის საქალაქო სასაფლაოებზე 1 კვადრატული მეტრი მიწის მინიმალური ფასი 10 ლარია, ხოლო მაქსიმალური 200 ლარი.
დასაფლავებისთვის საჭირო მიწის ფასი, კონკრეტული ზონების მიხედვით განისაზღვრება.
როგორც ქუთაისის საქალაქო სასაფლაოებზე პასუხისმგებელ კომპანიაში შპს "ქართულ ტრადიციები" "ქუთაისიპოსტს" განუმარტეს, ყველაზე მაღალი და დაბალი ფასი მიწაზე, კატეგორიების მიხედვითაა დაწესებული.
"ბოლო კატეგორიის სასაფლაოებზე, ჭომაში და რუაზე, კვ/მ მიწის ფასი 10 ლარია, ყველაზე მაღალი ფასი პირველი კატეგორიის სასაფლაოზე, ავანგარდის წინა ტერიტორიაზეა, სადაც 1 კვ/მ მიწის ფასი 200 ლარითაა გასაზღვული," - ამბობს შპს "ქართული ტრადიციები"-ს ხელმძღვანელი, გოჩა მარგველაშვილი.
ქუთაისის ე.წ. პირველი კატეგორიის სასაფლაოზე, გამორჩეულად ძვირ მიწაზე, ნაკვეთი ამ დრომდე მხოლოდ 4 სასაფლაოსთვის არის გაცემული.
ქუთაისის საქალაქო სასაფლაოებზე, ყველაზე ხშირად, საშუალო ფასებისა და კატეგორიის მიწის ნაკვეთები გაიცემა.
საშუალო კატეგორიის სასაფლაოზე კვ/მ მიწის ფასი 30 – 80 ლარია.
"ყველანაირი ფასებია, თუმცა ძირითადად მოთხოვნა საშუალო ღირებულების მიწაზეა. თუ სოციალურად დაუცველი ოჯახია, რომლის სარეიტინგო ქულაა 15 000, მიწის ნაკვეთს ქუთაისის მერია უფასოდ სთავაზობს,"- განმარტავენ შპს "ქართულ ტრადიციებში".
ქუთაისში, სულ 13 საქალაქო სასაფალაოა. აქედან, 7 სასაფლაო დახურულია. დახურულად ის სასაფლაოები ითვლება, სადაც ახალი მიწის ნაკვეთის გაცემა აღარ ხდება.
"დახურულ სასაფლაოებზე, სადაც მიწები უკვე ნაყიდი აქვს მეპატრონეს მაგრამ დასაკრძალი ადგილები კიდევ არის, რათქმაუნდა დაკრძალვა შესაძლებელია, რისთვისაც ის მხოლოდ მიწის გაჭრისა და დარძალვის ხარჯს, 150 ლარს იხდის,"- ამბობს გოჩა მარგველაშვილი.
ახალი მიწის ნაკვეთები ქუთაისის საქალაქო სასაფლაოებიდან 6 სასაფლაოზე გაიცემა : ავანგარდის ავტოქარხნის, ოღასკურას, ჭომის, გოჭოურას და კიბულის სასაფლაოზე.
ანა ჯანაშია


Print E-mail
FaceBook Twitter



მსგავსი სიახლეები
„ბოროტების ტრიუმფისთვის ერთადერთი რამ არის საჭირო : რომ
კარგმა ადამიანმა არაფერი აკეთოს“
15:27 / 10.03.2021
„ბოროტების ტრიუმფისთვის ერთადერთი რამ არის საჭირო : რომ კარგმა ადამიანმა არაფერი აკეთოს“
თუ თქვენ საინტერესო ამბების და
ადამიანების ისტორიების მოსმენა გიყვართ,
16:04 / 23.02.2021
თუ თქვენ საინტერესო ამბების და ადამიანების ისტორიების მოსმენა გიყვართ,

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.