საზოგადოება
„ცისფერყანწელთა“ საიუბილეო წლისთვის ქუთაისი მერია ღონისძიებების ციკლს გეგმავს
FaceBook
"ცისფერყანწელთა" პოეტური ორდენის იუბილეს ქალაქი შემოდგომაზე აღნიშნავს.


საამისოდ "ცისფერყანწელებზე" დოკუმენტური ფილმების გადაღება მიმდინარეობს. სამი დოკუმენტური ფილმის "ცისფერყანწელების ქალაქის" გადაღებისთვის ქუთაისის მერიამ ხელშეკრულება თბილისში რეგისტრირებულ "ქედი სტუდიოსთან" გააფორმა.
როგორც მერიაში აცხადებენ პირველი ფილმი ქუთაისის კულტურულ ცხოვრებაში "ცისფერყანწელების" როლს უნდა ასახავდეს.

მეორე ფილმმა უნდა აჩვენოს პაოლო იაშვილის, როგორც "ცისფერყანწელთა" იდეის სულისჩამდგმელის, ბიოგრაფია, მისი ურთიერთობა დანარჩენ ცისფერყანწელებთან, ორდენისა და მწერალთა კავშირის ჩამოყალიბება.

მესამე ფილმი ტიციან ტაბიძის ბიოგრაფიას, გალაკტიონ ტაბიძესთან პოეტის მეგობრობას და "ცისფერყანწელთა ორდენის" დასასრულს შეეხება.
"ცისფერყანწელთა" იუბილის აღნიშვნის პროცესში ჩართული იქნებიან საჯარო სკოლებიც, სადაც სხვადასხვა ივენთები გაიმართება.
"ცისფერყანწელების" საიუბილეო წლისთვის მესხიშვილის თეატრში დასკვნითი საღამო მოეწყობა, სადაც აღნიშნული ფილმებისა და "ცისფერყანწელთა" ფონდის თავმჯდომარის ნინო ჩხიკვიშვილის მიერ შედგენილი წიგნის "ცისფერყანწელთა საძმოს"პრეზენტაცია გაიმართება. ასევე წარმოდგენილი იქნება სპექტაკლი "ბულბულის ნისკარტი", რომელიც პაოლოსა და ტიციანის ბიოგრაფიისა და შემოქმედების მოტივებზეა შექმნილი.

საღამოზე მოწვეულები იქნებიან "ცისფერყანწელთა" შთამომავლები.

მერიაში აცხადებენ, რომ უკვე მომავალი წლისთვის იგეგმება ვერიკო ანჯაფარიძის სახელობის ბაღში დაიდგას სტელა, სადაც ცამეტივე პოეტის სახელი იქნება ამოტვიფრული.

ღონისძიებათა ამ ციკლის ორგანიზებასა და ფინანსურ მხარდაჭერას ქუთაისის მერია ახორციელებს.

Print E-mail
FaceBook Twitter
მსგავსი სიახლეები
ტყიბულის მუნიციპალიტეტის სოფელი მუხურა
წელიწადში 6 თვით გარესამყაროს წყდება.
14:15 / 07.09.2020
ტყიბულის მუნიციპალიტეტის სოფელი მუხურა წელიწადში 6 თვით გარესამყაროს წყდება.
პოლიტიკური პარტია „პატრიოტთა ალიანსის“ მიერ ბაგრატის ტაძრის
ეზოში გამართულ პარტიულ შეხვედრას საზოგადოების მხრიდან
არაერთგვაროვანი შეფასება მოყვა.
14:41 / 04.09.2020

პოლიტიკური პარტია „პატრიოტთა ალიანსის“ მიერ ბაგრატის ტაძრის ეზოში გამართულ პარტიულ შეხვედრას საზოგადოების მხრიდან არაერთგვაროვანი შეფასება მოყვა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.