საზოგადოება
გალელი ქართველი აბიტურიენტების რუსული არჩევანი
FaceBook
ოკუპირებულ ტერიტორიაზე მცხოვრები ქართველი აბიტურიენტები სწავლის გასაგრძელებლად რუსეთს ირჩევენ.


პოპულარული სასწავლებელი აფხაზეთში, აბიტურიენტებს შორის МГУ - მოსკოვის სახელმწიფო უნივერსიტეტია და აფხაზეთში - АГУ - აფხაზეთის სახელმწიფო უნივერსიტეტი. ყველაზე ხშრად კი სოხუმელი ახალგაზრდები МЧС-სა და ФСБ მიმართულებაზე აბარებენ.

როგორც სტუდენტები ამბობენ, რუსეთის სახელმწიფო უნივერსიტეტებში მათთვის სწავლა ხელსაყრელი და მიმზიდველია, რადგან უფასოა. ასევე, უფასო მიღებას აცხადებს აფხაზეთის სახელმწიფო უნივერსიტეტი (АГУ ) აფხაზეთში მცხოვრები ქართველი აბიტურიენტებისათვის.

თეკლე ზუხბაია ერთ-ერთია იმ ქართველ სტუდენტებს შორის, რომელიც სწავლას მოსკოვის სახელმწიფო უნივერსიტეტში, ლინგვისტიკის ფაკულტეტზე განაგრძობს. მისი თქმით, აქ სწავლის მაღალი ხარისხია, რომელიც რუსეთში დიდი პრესტიჟულობით სარგებლობს.

"ნებისმიერ ქვეყანაში საზღვარგარეთ მიღებულ ცოდნას უფრო აფასებენ. თან, ჩემი პროფესიისათვის (ფრანგული ენის თარჯიმანი ვიქნები), უცხოელებთან კონტაქტი აუცილებელია". ამიტომ ავირჩიე მოსკოვის სახელმწიფო უნივერსიტეტი" - ამბობს, სტუდენტი თეკლე ზუხბაია.

რუსულ და აფხაზური მხარის მსგავსად, სწავლის სრულ თანხას ფარავს საქართველოს მეცნიერებისა და განათლების სამინისტრო. 2008 წლიდან საქართველოს მთავრობის ინიციატივით, ოკუპირებულ ტერიტორიაზე მცხოვრები მოსწავლეებისათვის უფასო გახდა სწავლა საქართველოს აკრედიტებულ უმაღლეს სახელმწიფო სასწავლებლებში.

მიუხედავად ამისა, აფხაზეთის ოკუპირებულ ტერიტორიაზე მცხოვრები მოსწავლეების რიცხვი, რომლებიც სასწავლებლად საქართველოს ირჩევენ სულ უფრო და უფრო მცირდება.

აბიტურიენტთა ნაწილი ამბობს, რომ ამის მიზეზი გარკვეულწილად ისაა, რომ ისინი აფხაზეთის სკოლებში რუსულ განათლებას იღებენ, რაც რუსულენოვანი აბიტურიენტების, ქართულ უმაღლეს სასწავლებლებში ჩარიცხვას აფერხებს.

თუმცა ჯერჯერობით უცნობია, რა შედეგს გამოიღებს საქართველოს განათლებისა და მეცნიერების სამინისტროს მიერ შემოღებული ახალი კანონი, რომლის შედეგადაც სამინისტროს ბრძანებით 2016 წლიდან აბიტურიენტებს ზოგადი უნარების ჩაბარება აფხაზურ ან ოსურ ენაზეც შეუძლიათ.

ასევე, აბიტურიენტებს უფლება აქვთ ისტორიის, გეოგრაფიის, ფიზიკის, ბიოლოგიის, სახვითი და გამოყენებითი ხელოვნების, სამოქალაქო განათლების გამოცდა ჩააბაროს რუსულ ენაზე; მათემატიკისა და ქიმიის გამოცდის ჩაბარება კი შესაძლებელია როგორც რუსულ, ასევე, ინგლისურ ენებზე. ამასთანავე, აბიტურიენტს, რომლის აფხაზეთის ავტონომიური რესპუბლიკის ტერიტორიაზე მიღებული განათლება აღიარებული იქნება, უფლება აქვს ქართული ენისა და ლიტერატურის ნაცვლად ჩააბაროს აფხაზური ენა. ამ შემთხვევაში აბიტურიენტმა განცხადებით უნდა მიმართოს შეფასებისა და გამოცდების ეროვნულ ცენტრს 2016 წლის პირველ მაისამდე.

სოხუმელ სტუდენტ გიგა ხ. სურვილი ჰქონდა სკოლის დამთავრების შემდეგ სწავლა საქართველოში გაეგრძელებინა, თუმცა მისი ბედი, როგორც თვითონ ამბობს, ერთმა ქულამ გადაწყვიტა.

"ამის შემდეგ გადავწყვიტე აფხაზეთის სახელმწიფო უნივერსიტეტში ჩამებარებინა. სწავლის დონე აქ არც ისე სახარბიელოა, თუმცა მიმაჩნია, რომ თუ ადამიანს სწავლა უნდა, ყველგან ისწავლის" -ამბობს სოხუმელი სტუდენტი, გიგა ხ.

ის, თვლის, რომ გალის რაიონში ქართველ მოსწავლეების რუსიფიკაცია მიდის, რაც საბოლოო ჯამში სავალალო შედეგის მომტანი იქნება.




Print E-mail
FaceBook Twitter
მსგავსი სიახლეები
ტყიბულის მუნიციპალიტეტის სოფელი მუხურა
წელიწადში 6 თვით გარესამყაროს წყდება.
14:15 / 07.09.2020
ტყიბულის მუნიციპალიტეტის სოფელი მუხურა წელიწადში 6 თვით გარესამყაროს წყდება.
პოლიტიკური პარტია „პატრიოტთა ალიანსის“ მიერ ბაგრატის ტაძრის
ეზოში გამართულ პარტიულ შეხვედრას საზოგადოების მხრიდან
არაერთგვაროვანი შეფასება მოყვა.
14:41 / 04.09.2020

პოლიტიკური პარტია „პატრიოტთა ალიანსის“ მიერ ბაგრატის ტაძრის ეზოში გამართულ პარტიულ შეხვედრას საზოგადოების მხრიდან არაერთგვაროვანი შეფასება მოყვა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.